Les eleiciones tán cerca y munchos ciudadanos quieren saber qué midíes propón cada formación política pa solucionar el conflictu llingüísticu que fai qu’una parte de la ciudadanía asturiana viva teniendo problemes por usar la so llingua de casa n’ámbitos públicos.
Nós venimos falando y vamos siguir aconceyando con toles fuercies que quieran facelo pa entruga-yos qué piensen facer cola situación de la llingua asturiana y pa esplica-yos cúales son les soluciones más afayadices pa la situación sociollingüística d'Asturies. Fadremos, como siempres, por xenerar el mayor consensu posible alredor de la necesidá d’oficializar l’asturianu. Y esperamos, y trabayamos, pa que toles fuercies polítiques escueyan llevar esta midida nel so programa.
Sicasí paez más que probable que como vien pasando n’otres convocatories delles fuercies polítiques nun recueyan la oficialidá nel so programa; poro, vamos pidir a los asturianos y les asturianes qu’escueyan a quién van votar namás ente los partíos que lleven nel so programa la oficialidá. Sabemos que davezu nun sedrá la única razón pa escoyer el votu, pero sí pue ser pa munches persones un mínimu necesariu pa pensar en votar a una fuercia.
La cuenta atrás pa les eleiciones asturianes escomencipió yá. Agora ye’l tiempu de comprometese cola llingua asturiana y non de buscar xides y argumentos que quedaron yá desfaos, desmitificaos. De dicir ensin mieu sí al reconocimientu de los drechos civiles, sí a la proteición de la nuesa cultura, sí a la nuesa identidá como pueblu…
Y dende Iniciativa pol Asturianu tenémoslo nidio, la única manera de facelo, l’únicu marcu llegal posible y válidu nel marcu del Estáu español pa garantizar los drechos de los falantes y poder trabayar con más seguranza nun futuru pal idioma ye l’estatus xurídicu de la oficialidá, como afita la Constitución Española y como demostraron los cuarenta años dende la Transición.
Por eso, agora ye’l momentu de tomar postures y ser valientes. Los asturianos y les asturianes sabrán premiar esta valentía, porque cada día son más conscientes de la importancia de que la so llingua nun acabe por morrer. Pa un partíu que tea a favor de los Drechos Humanos, namás hai una respuesta: Oficialidá, sí o sí.
Fonte: Iniciativa pol Asturianu
Nengún partíu ufierta la oficialidá sacante IXunía que polos antecedentes madrilanos y asturianos non podemos fiar, y Podemos del que tampoco podemos fiar porque al ¿paecer? tou va depender de los sos círculos locales lo que ye un peligru n'acurres y bien caprichosu una y bones nun tien programa.
ResponderEliminarTamos x.....
ResponderEliminarVotemos namái a partíos qu'afiten el sí a la oficialidá.
ResponderEliminar¿Sábese si Podemos ta ente ellos?
ResponderEliminarPodemos ye un misteriu empezando porque nun tien programa, van facer sobre la marcha los sos círculos locales cuando tengan poder.
ResponderEliminarUn partíu comunista a la vieya usanza -URSS, Corea del Norte, Cuba, Venezuela...- nun puede ufiertar libertaes individuales, particularidaes, motivos rexionalistes, llingües autóctones, etc, porque esto ye la esencia mesma del comunismu recalcitrante ya intolerante.
ResponderEliminarDubardu, en Podemos nun se sabe nada de nada, ye todo misteriosu y arcanu, nun hai nada de nada programáu, too por faer y por decidir, los famosos círculos tienen la palabra... col permisu y la suprema e inequívoca directriz del gran timonel Pablo Manuel que tou lo sabe y tou lo tien previstu nes solombres tenebroses de la Complutense.
ResponderEliminarDubardu preguntar a Ripa anque tarrezo qu'él tampoco lo sabe entá.
ResponderEliminarYe que'l Ripa espera les ordes del Pablo Manuel Iglesias.
ResponderEliminarOrdes ciegues y ensín discutiniu.
ResponderEliminar¡Que sabe Ripa del asuntu de Podemos!
ResponderEliminarLes verdaderes ordes dales Monederu que ye l'amu de les perres.
ResponderEliminarCiertu, Pablo Manuel ye namás que la pantalla con coleta.
ResponderEliminarVaya banda.
ResponderEliminar