Alcuentru col autor uvieín.
Los alcuentros col autor de los talleres de llectura n’asturianu de Nava acueyen esti próximu xueves, 12 de febreru, a les 19:00 hores, na sala Marta Portal de la Casa la Cultura de Nava, al cuentacuentos y escritor carbayón Milio’l del Nido.
L'autor falará alrodiu del so llibru de cuentos ¿Y que quies, si tengo oreyes?, nel que, siempre enraigonau na tradición oral, recueye relatos de dixebraes cultures y tradiciones adaptándolos a l’asturiana que-y ye propia. Milio’l del Nido (Uviéu, 1944) tien recorrío la península coles sos actuaciones de cuentacuentos, amás de publicar l’esitosu volume Contáronmelo pa que lo contara, que va yá pela cuarta edición, o’l llibru de cocina Recetes con cuentu.
Fonte: Infoasturies
No hay comentarios:
Publicar un comentario
Los comentarios tán pendientes de moderación. Espublizaránse lo primero dable.