Según despliquen dende Softastur, "Ubuntu phone, salió a la lluz el pasáu fin de selmana de la mano de la empresa BQ, baxo’l modelu Aquaris E4.5. Nel so interior tien un procesador Cortex-A7 de Mediatek de cuatro núcleos a 1.3 GHz con una gráfica Mali 400, acompañaos de 1 GB de memoria RAM y 8 GB d’almacenamientu internu. La batería ye de 2150 mAh y tien doble micro-SIM. El preciu anda alredor de los 169 €".
Dende'l coleutivu apunten que "la carauterística más importante d’Ubuntu phone, ye l’usu de SCOPES, trátase d’espacios qu’amiesten conteníu procedente de dellos servicios. Diferénciense de les apps móviles pol so calter integrador. Asina, por exemplu, pa escuchar música, un usuariu pue acceder dende’l mesmu espaciu a canciones de SoundCloud o de Grooveshark. Arriendes de les funcionalidaes normales de corréu-e, navegación web, cámara, galería, etc, Ubuntu phone incorpora INRIX, que da a los usuarios d’esti smartphone accesu direutu a la información del tráficu en tiempu real. Pa crear aplicaciones pa Ubuntu Phone, los desendolcadores disponen de ferramientes basaes en HTML5 pa que puedan crear la so app de mou rápidu y cenciellu enantes de xubila a la tienda d’aplicaciones oficial", y too ello, por supuestu, en llingua asturiana.
Fonte: Infoasturies.net
Fonte: Infoasturies.net
Bona ferramienta.
ResponderEliminar