Reciella llega a un alcuerdu col Conceyu de Carreño pa entamar una programación infantil n’asturianu que va estrenar Cellero con 'Mitoloxíes'

Carlos Alba "Cellero"

   Un alcuerdu de collaboración ente ‘Reciella. Families pol Asturianu’, el Conceyu de Carreño y el Teatru Prendes va permitir l’entamu d’actividaes pa neños y neñes de manera periódica en Candás. Nesti mes va celebrase un eventu musical y otru de teatru, ésti últimu previstu pa esti sábadu.

   Al tar n’Antroxu, la xornada de mañana va dedicase a esta festividá tradicional. Asina, Carlos Alba ‘Cellero’ va divertir a la reciella colos cuentos del so espectáculu ‘Mitoloxíes’ nel Centru Polivalente La Baragaña (19 hores), con entrada de baldre. Enantes, a les 17 hores, ta previstu un taller de mázcares na llibrería Palabras de Caramelo.

   La segunda actividá del mes va ser un taller musical anunciáu pal sábadu 21 al meudía na mesma instalación, tamién con entrada de baldre. La intención d’esti alcuerdu ye qu’en meses venideros el Teatru Prendes incluya eventos nesti mesmu sentíu cola fin de que los neños y neñes del conceyu puedan disfrutar d’una programación periódica n’asturianu.                                                                                                             Fonte: Asturies.com