El vienres l'Atenéu Llibertariu d'Uviéu va a garrar como puntu d'alderique la llingua asturiana, la so situación y perspeutives.
Dende L'Atenéu Llibertariu d'Uviéu (Cai Ricardo Montes 37, Baxu) entamen esti vienres la mesa redonda "¿Qué pasa cola llingua?". Na mesma va a falase dende distintos puntos de vista alrodiu del movimientu de vindicación llingüística, la so trayeutoria a lo llargo de más de 30 años de llucha y les causes de que, pesie a tantos años de llucha, l'asturianu siga como llingua arrequexada y marxinada frente al castellán.
L'Atenéu Llibertariu d'Uviéu quier manifestar la so esmolición alrodiu del problema llingüísticu, hasta'l puntu de que la so primer actividá trató alrodiu d'esi tema. Amás, esclarien que "como organización antiautoritaria defendemos el derechu de los pueblos al so autodetermín y al llibre desarrollu de les sos particularidaes y usos culturales y d'espresión". Poro, con Inaciu Galán, Iris Díaz, Dolfu Camilo Díaz y Miguel Rodríguez como participantes, entamarán de magar les 19:30.
Fonte: Infoasturies
Ta bien.
ResponderEliminarMieu me da que nun va haber debate nengún. Tolos participantes son amiguetes y piensen más o menos lo mesmo sobre l'asuntu. Dedicaránse a repitir lo inxusto que ye too y lo malos que son los políticos, como siempre.
ResponderEliminarLo único será que Dolfo usará'l so turnu pa facer teatru, copar la escena y quedar con más cuota de pantalla que los sos compañeros :)
Magister dixit?
ResponderEliminar¡Qué mieu! que vien Dolfu...
ResponderEliminar