Alejandro Salueña
El Conseyu de Comunidaes Asturianes recuperó esti sábadu, tres un añu d’ausencia, el Día de les Lletres Asturianes na Emigración. Al igual que na Selmana de les Lletres, recordóse la figura de la poeta valdesana Nené Losada Rico.
Estes xornaes celébrense dende l’añu 2001 col oxetivu d’averar a los asturianos fincaos nel estranxeru la so tierra natal, de manera fundamental al traviés de la llingua, la literatura y la cultura autóctona. Tres 11 años de vida, dexó de celebrae nel 2012 por decisión del Executivo anterior.
Nesta edición nueva rindióse homenaxe a la poeta Losada Rico, finada nel 2009, nun actu celebráu na sala de la Diputación Foral de Bizkaia na que los miembros propios de la Casa d’Asturies en Bilbo lleeron testos de la escritora. Amás, tamién se presentó’l volume recopilatoriu de la so obra, ‘El ríu y la memoria’, editáu pola Conseyería d’Educación, Cultura y Deporte, y hubo una actuación de gaiteros del centru asturianu na capital bizkaitarra.
El Día de les Lletres Asturianes na Emigración contó cola asistencia de personalidaes como la presidenta de la Casa d’Asturies de Bilbo, Ana Canteli Arias; la direutora xeneral d’Emigración, Begoña Serrano Ortega; la direutora xeneral de Política Llingüística, Ana Fueyo Llaneza; la presidenta del Conseyu de Comunidaes Asturianas, Paz Fernandez Felgueroso; y la presidenta de l’Academia de la Llingua Asturiana, Ana María Cano. Dende que s’instaurase col oxetivu de divulgar y impulsar la llingua y la literatura n’asturianu ente los emigrantes, esta xornada celebróse tanto en centros del restu del Estáu (Las Palmas 2001, Logroño 2004, Madrid 2007, Castelló de la Plana y Barcelona 2010) como d’América Llatina (Montevideo 2002, Buenos Aires 2005, Santiago de Chile y Valparaíso 2008, y Rosario y Paraná 2011) y Europa (París 2003, Lîdje 2006 y Lausanne 2009). La Casa d’Asturias de Bilbo, encargada d’acoyer la edición d’esti añu, fundóse nel 1980 y desendolca delles actividaes sociales y culturales, ente les que s’atopen cursos de gaita.
Fonte. Asturies.com
Ye magníficu y bien gratificante conocer noticies d'esta índole, llarga vida a este tipu de representaciones culturales asturianes nel restu d'España y nel mundu mundial.
ResponderEliminarPero tamién ye interesáu cuandoquier ver ver cómo atopen cargos -y prebendes- los exmandatarios sociatas como la insaciable exalcaldesa de Xixón ensin dar pasu a xente mozo con idees anovaes y modernes y atopando cargu tres cargu y prebenda tras prebenda. A estes xentes too paez-yos pocu y siempres son los mesmos; y da la casualidá que siempres son loe mesmos canes pero con asemeyaos collares. ¡Qué interesáu!
El día de les Lletres Asturianes ta presente y afortunadamente llega llueñe. Y per otru llao ta claru, ye qu'hai que pagar o devolver munchos favores emprestaos y de camín partise, ente el "arrogante y estimosa" clase política que siempres nos esquilmó, los restos d'aquella inmensa tarta que pa dellos daqué siempres queda.
ResponderEliminarQué razón tienes, compañeru.
ResponderEliminarMuncha razón, dende llueu. Namás-y faltó dicir qu'esa "clase política" tan fedionda ye la qu'escoyemos en votación universal y secreta los asturianos y asturianes. Y eso da que pensar.
ResponderEliminarEsi día había de ser fiesta como en Galicia ye fiesta'l Día de Las Letras Gallegas.
ResponderEliminarHabía da-y vergoña a la TPA, retresmitir la Feria de Abril y non el Día les Lletres.
Bien ciertu.
ResponderEliminarXurde, estaria bé que el dia de les lletres fos festiu i segurament ajudaria a la seva visibilitat però no és imprescindible.
ResponderEliminarJo preferiria que aquest dia fos un dia especial a la TPA, al carrer i a les institucions, encara que fos laborable com fins ara.
Pensa que el dia de Sant Jordi a Catalunya no és festiu.