Les universidaes d’Uviéu y la Masaryk de Brno algamaron un alcuerdu que permitirá a la institución académica checa impartir llingua y lliteratura asturiana, una esperiencia pilotu que cunta pa esti cursu con una aidanza de la Xunión Europea, según informó la institución asturiana.
Los promotores d’esta iniciativa foron el profesor Ivo Buzek de Brno, que s’alcuentra esta selmana n’Uviéu para pesllar l’alcuerdu, y el profesor de Llingua española y especialista en fonoloxía y morfoloxía hispániques Alvaro Arias-Cachero Cabal de la Universidá d’Uviéu.
El Departamentu de Filoloxía Española de la Universidá d’Uviéu y l’Institutu de Llingües y Lliteratures Romances de Brno vienen collaborando académicamente dende fai años ya intercambien investigadores y alumnos gracies al programa Erasmus.
Los promotores d’esta iniciativa foron el profesor Ivo Buzek de Brno, que s’alcuentra esta selmana n’Uviéu para pesllar l’alcuerdu, y el profesor de Llingua española y especialista en fonoloxía y morfoloxía hispániques Alvaro Arias-Cachero Cabal de la Universidá d’Uviéu.
El Departamentu de Filoloxía Española de la Universidá d’Uviéu y l’Institutu de Llingües y Lliteratures Romances de Brno vienen collaborando académicamente dende fai años ya intercambien investigadores y alumnos gracies al programa Erasmus.
L’asignatura d’asturianu impartiráse esti cursu demientres cinco meses de febreru a xunu del 2010 y tará al cargu del profesor Buzek que cuntará coles clases de sofitu d’un llector d’asturianu, puesto pal que seleicionóse al llicenciáu en Filoloxía Cesáreo García Fernández, qu’actualmente prepara’l so doctoráu.
Cunta amás col títulu d’Especialista en Filoloxía Asturiana y foi traductor d’obres lliteraries del rusu y l’eslovacu al asturianu.
Cunta amás col títulu d’Especialista en Filoloxía Asturiana y foi traductor d’obres lliteraries del rusu y l’eslovacu al asturianu.
Na Facultá de Filoloxía de Brno hai una gran tradición hispanística con estudios de gallegu, catalán y vascu, amás de los d’español.
La Universidá Masaryk, una de les mas importantes de Chequia y la segunda en cuanto númberu d’estudiantes y ufierta d’estudios, fundóse en 1919 como basa pal desendolcu del enseñu superior na recién creada Checoslovaquia y nació como complementu de la Universidá Carolina de Praga, fasta entós la única del país.
Fonte: La Nueva España
Ye un llogru señalau: castellano, gallegu, catalán, vascu y agora asturianu n'a Universidá de Masaryk de Brno. Felicidaes a quienes corresponda. Too ta perbién, pero ¿qué facemos col oriente asturianu y la competencia ilegal de la lingua gallega na TV y demás?
ResponderEliminar