Nomáu Patronu d’honor de la Fundación Caveda y Nava, Gotor reitera’l so compromisu cola llingua asturiana.
El reutor de la Universidá d’Uviéu, Vicente Gotor, destacó ayeri que nel so programa elleutoral prometía "respetu y fomentu de la llingua y la cultura asturiana na universidá y lo ta cumpliendo". "Fícelo fasta agora y ye la mio intención siguir faciéndolo", dixo Gotor na so intervención al ser nomáu patronu d’honor de la Fundación Caveda y Nava, títulu concedíu, en reconocencia del so llabor pa "desbloquear" la situación de la llingua asturiana en varios ámbitos universitarios.
Nun actu que tuvo llugar na sede de la Fundación Cardín, en Villaviciosa, Gotor recordó que nada más entrar na Universidá como reutor tuvo que negociar con un grupu d’estudiantes que protagonizaben un enzarru en defensa de la filoloxía asturiana.
"Despliqué-yos a los estudiantes que nel actual procesu de cambéu y adautación al nuevu Espaciu Européu nun se cunta col contestu más afayadizu p’aniciar una filoloxía asturiana y ellos entendieronlo", dixo Gotor, que recordó los xestos qu’amuesen el compromiso del rectoráu col asturianu, como l’entamu d’estudios reglaos n’asturianu en Maxisteriu y Filoloxía o l’aprebación d’un reglamentu pa empobinase a la Universidá n’asturianu.
Pa Gotor estos son "xestos importantes" y destacó que de magar agora toos han trabayar xuntos pa que la llingua asturiana tenga visibilidá internacional.
"Despliqué-yos a los estudiantes que nel actual procesu de cambéu y adautación al nuevu Espaciu Européu nun se cunta col contestu más afayadizu p’aniciar una filoloxía asturiana y ellos entendieronlo", dixo Gotor, que recordó los xestos qu’amuesen el compromiso del rectoráu col asturianu, como l’entamu d’estudios reglaos n’asturianu en Maxisteriu y Filoloxía o l’aprebación d’un reglamentu pa empobinase a la Universidá n’asturianu.
Pa Gotor estos son "xestos importantes" y destacó que de magar agora toos han trabayar xuntos pa que la llingua asturiana tenga visibilidá internacional.
La Fundación tolos años dende’l 2003 noma a patronos d’honor, títulu honoríficu que trata de reconocer el llabor o la sensibilidá en favor de la llingua asturiana de la persona en cuestión.
Collaboren con esti eventu la Conseyería de Cultura y Turismu d’Asturies y l’Ayuntamientu Villaciosa.
Fonte: Europa Press
D. Vicente Gotor ha sido nomau Patronu d'honor de la Fundación Caveda y Nava. Perbona noticia. Felicidaes al Sr. Gotor y a la Fundación nomamiento acertao pues sí que tá mostrando xestos importantes en favor del asturianu n'a Universidá y n'el so entornu. Agora toca al gobiernu asturianu dar el siguiente e importante paso: la oficialidá de la llingua asturiana ¡adelante! somos munchos los que tamos a la espera de tal eventu socio-cultural, ¡ánimo! que nun ye tan complicao ni tan costosu.
ResponderEliminarMolt be.
ResponderEliminar