El Diari Oficial de la Generalitat de Catalunya (DOGC) espublizó ayeri l’anteproyeutu de la Llei de l’Aranés, un testu que marca les pautes del despliegue de la oficialidá del occitanu en Cataluña –una dimposición que regula’l nuevu Estatut– y que prevé impulsar la creación d’una radio y una televisión n’occitanu.
L’artículu 20 del anteproyeutu de llei diz que “d’alcuerdu colos compromisos asumíos pol Estáu español en virtú de la Carta Europea de les Llingües Minoritaries, los poderes públicos competentes deben impulsar, si ye preciso per aciu la cooperación con otres rexones de llingua occitana, la creación d’a lo menos una emisora de radio y una cadena de televisión n’aranés”.
L’artículu 20 del anteproyeutu de llei diz que “d’alcuerdu colos compromisos asumíos pol Estáu español en virtú de la Carta Europea de les Llingües Minoritaries, los poderes públicos competentes deben impulsar, si ye preciso per aciu la cooperación con otres rexones de llingua occitana, la creación d’a lo menos una emisora de radio y una cadena de televisión n’aranés”.
Amás de los artículos referentes a los medios de comunicación, l’anteproyeutu de llei tamién fala de cuestiones como l’enseñu del idioma, que prevé ufiertar a les universidaes y a les Escoles Oficials d’Idiomes, según desplicó Jusèp Louís Sans, responsable de la Oficina Occitan en Cataluña. Paralelamente, esti proyeutu de llei –qu’agora unviaráse al Parlament pa que’l llexislativu-y dea rangu de llei– otorga un papel d’especial relevancia al Conselh Generau d’Aran como garante de l’aplicación de la llei na Val d’Aran y en collaboración col restu de Cataluña, y amás reconoz tamién l’Institut d’Estudis Aranesi.
L’anteproyeutu que se debatirá nel Parlament de Catalunya tamién diz que cualesquier ciudadanu de Cataluña podrá dirixise a la Generalitat n’aranés y qu’esta institución ta obligada a atendelu. Pa tala fin tamién habilitaráse un espaciu nel que’l Govern atenderá cualesquier demanda ciudadana a nivel oral n’occitanu.
El testu qu’espubliza el Diari Oficial de la Generalitat de Catalunya tamién dedica especial atención a la xunidá de la llingua occitana. Pa tala fin, el testu establez que la Generalitat y el Conselh Generau d’Aran han collaborar colos muérganos d’otros territorios de llingua occitana na proteición de la xunidá de la llingua.
Francesc Guillaumet
Fonte:La Manyana
Fonte:La Manyana
La futura Llei del Aranés ¿pa cuántes persones o seya pa cuántos falantes d'occitanu va dirixía según el diari Oficial de la Generalitat de Catalunya?
ResponderEliminarNel Valle d'Arán fálenlu unes 5.000 persones, anque hai más falantes nel restu de Cataluña. La estremancia col asturianu ye total yá qu'equí inda nun ye oficial con una población falante abondo mayor.
ResponderEliminar5000 falantes nuna población de 7 millones. Ye dicir 0,07 % de la población. Esi porcentax, n'Asturies sedría de 770 persones.Esa ye la diferencia ente la llibertá,la democracia,la tolerancia,el respetu y los derechos humanos cola sinrazón,la falta de llibertá y la falta de derechos humanos que carez Asturies.
ResponderEliminar