La Conseyería de Cultura organizó güei, na Facultá de Bioloxía de la Universidá d'Uviéu, el segundu Día de les Ciencies Asturianes. Los actos entamaron a les doce la mañana cola presentación del llibru "Homo Sapiens: la epopeya d'un llinaxe", cola que Xosé María Fernández ganó en 2008’l premiu d'ensayu Fuertes Acevedo. Xunto al autor, que ye miembru del Institutu Européu de Bioinformática, tuvo Xosé Ánxelu Gutiérrez Morán, del Institutu Español d'Oceanografía.
La segunda de les actividaes cellebróse media hora más sero. Xosé María Fernández dió llectura a la conferencia titulada "¿Ónde tamos dempués de venti años col xenoma humanu?", de la mano de Xosé Antón Suárez Puente, del Departamentu de Bioquímica y Bioloxía Molecular de la Universidá d'Uviéu.
Los dos actos d’esta xornada cellebráronse nel Salón de Graos de la Facultá de Bioloxía de la Universidá d'Uviéu, asitiada nel Campus d’El Cristu.
Fonte: Asturnews
No hay comentarios:
Publicar un comentario
Los comentarios tán pendientes de moderación. Espublizaránse lo primero dable.