Javier Fernández, Presidente asturianu
Nun va haber n’Asturies oposiciones al cuerpu de mayestros esti añu y, previsiblemente, tampoco’l que vien. El conseyeru d’Educación apuntó ayeri a 2019 como l’añu nel que se convoque la ufierta pública d’empléu pa Infantil y Primaria.
Genaro Alonso aplazaba asina estes oposiciones pocu dempués de conocese la fecha na que, a la fin, el Gobiernu central va aprobar el decretu llei nel que se va afitar la tasa de reposición. Va Ser l’últimu día d’esti mes cuando se dea’l vistu bonu a un decretu que dexaría convocar les oposiciones. Una midida que l’Executivu autonómicu plantegó hai un par de meses ensin llograr respuesta. Tres l’aprobación del decretu, solo pa la comunidá educativa, tendrá de ser convalidáu pol Congresu.
«Llega tarde», remarcaba sobre esi decreto llei Genaro Alonso, quien volvió asegurar qu’esta midida, avanzada yá la selmana pasada pol Gobiernu del PP, nun va modificar la decisión yá tomada. Nun se van convocar oposiciones a maestru anguaño. Entá ye más, apuntó la posibilidá de retrasar más allá de 2018 esta convocatoria.
Alonso volvió incidir en qu’hai qu’evitar l’efectu llamada. Según la conseyería, podríen presentase más de 20.000 persones. El decretu aprobaráse’l mesmu día nel que se va dar el vistu bonu al proyectu de llei de los presupuestos del Estáu.
Fonte: asturnews.com
Fonte: asturnews.com
Nós nun podemos opositar en Cataluña, nin en Galicia, nin n'Euskadi, etc por culpa del dominiu del idioma oficial vernáculu qu'ellí esixen; pero ellos sí que pueden opositar n'Asturies porque nun s'esixe'l dominiu de la llingua asturiana (porque nun ye oficial, señor Fernández...) nin de nada de nada, esto ye que nos toca compartir les nueses places n'Asturies con tolos que lo deseyen a pesar de qu'ellos nun comparten absolutamente nada colos demás, ye dicir nun podemos opositar ellí: hai qu’evitar l’efectu llamada, ye llóxicu y normal.
ResponderEliminarFalten los presupuestos xenerales del estáu y ensin ellos non pueden faese planes de presente nin de futuru.
ResponderEliminar