Rodrigo Cuevas
La Xunta pola Defensa de la Llingua Asturiana (XDLA) dio a conocer esti martes el cartelu completu del XXIX Conciertu pola Oficialidá. Rodrigo Cuevas, artista d’ésitu en tol Estáu, debuta nesta cita amosando’l so compromisu pa cola llingua asturiana.
El Conciertu pola Oficialidá, qu’esti añu cambia de sede y de fecha, va algamar asina una gran repercusión mediática nesta edición. Cuevas va ser la estrella del cartelu de la cita prevista pal 17 de xunu nel xixonés Parque Inglés –anguaño oficialmente Parque de los Hermanos Castro– xunto con Dixebra, que ta celebrando la so xira 30 aniversariu, polo que s’espera una importante presencia de públicu.
Spanta la Xente, tamién debutante nesta cita musical reivindicativa onde tolos artistes y grupos actúen de baldre pa sofitar el movimientu civil de reivindicación llingüística, yera’l segundu nome adelantáu na información espublizada ayeri por Asturies.com, a los que güei se sumen la Banda de Gaites La Kadarma, la formación de punk rock Misiva y Caldo y Os Rabizos, Cantaruxare y Herbamora, que van protagonizar una ‘Tarde en Danza’. Les actuaciones musicales van principiar a les 19 hores, anque la XDLA tien previsto planificar actividaes infantiles a lo llargo de tola tarde. Fonte: asturies.com
Va llegando'l tiempu de les romeríes, los conciertos, y la sidra con ablanes, pos ¡qué bien!
ResponderEliminar