Ana María Cano, presidenta de l’Academia de la Llingua Asturiana (ALLA), afirmó na so comparecencia énte la Comisión Especial d’Estudiu sobre Réxime de Proteición y Promoción del Asturianu de la Xunta Xeneral que la situación de la institución “ye crítica”. Intervención del Gobiernu pon torgues a la tresferencia corriente a la entidá que vien recibiendo dende la so creación al considerala privada.
Cola normativa actual que s'aplica nos presupuestos, l’ALLA ve cambiada la so categoría y obliga-y a recibir una subvención como si fora una entidá privada, dalgo que denunciara Izquierda Xunida (IX) n’avientu y que ta llevando a la institución una situación que fai peligrar la so continuidá tres 37 años de vida. L'ALLA niégase a aceptar esta subvención que conlleva un cambiu d'estatus xurídicu, al igual que refuga renovar l’alquiler de la sede nel Monesteriu de San Pelayo, como anunció Cano esta mañana énte la comisión, y demanda una solución a Educación y Cultura.
El conseyeru Genaro Alonso, mentes, apuntó que’l so departamentu ta trabayando nella y qu'ésta podría llegar con una Llei de l’Academia de la Llingua Asturiana qu’afite’l so usu públicu. Tamién señaló que ta tratando d’atopar un llocal de propiedá nacional pa la institución académica.
Fonte: Asturies.com
Esto sí que ye por demás grave. Un ataque en toa riegla a la llínea de flotación de l'Academia. El Psoe asturianu (y los sos adláteres) yá nun sabe qué faer por que suma. Toa una contradicción fomentando (siquier n'apariencia) la llingua nos colexos y torpediando non solo la oficialidá sinón la supervivencia de l'Academia de la Llingua: INCREÍBLE PERO CIERTU.
ResponderEliminar¡¡¡S O S!!! fundimos y el gobiernu asturianu bombardéanos con saña, SOS sumimos y sume tamién la llingua asturiana.
ResponderEliminarGenaro Alonso ¿ónde tas nestos momentos? ¿qué fexes agora? como educador que yes porfa enseña y educa al to xefe Javier Fernández y a la so gafida tropa a respetar la so llingua y la so Academia, que ye vital y acuciosa.
ResponderEliminarAna yá nun queda otra que salir a la cai con decisión y nun ser fréngoles pos vale más ponese una vegada coloriaos que cien moraos.
ResponderEliminarTamos nel camín ciertu de la oficialidá del asturianu y l'ALLA ye un puntal seguru, alantre triando fuerte.
ResponderEliminarL'Academia ye'l muérganu llingüísticu que normativizó la nuesa llingua. Tou gobiernu asturianu debe-y un respetu.
ResponderEliminar