15/3/17

Asturies nun va convocar oposiciones de maxisteriu anguaño dada la inseguridá xurídica qu'hai y l'efectu llamada"

Queden refugaes al nun comunicar l'Estáu la tasa de reposición
Na semeya d'arquivu, el conseyeru asturianu d'Educación pide a Méndez de Vigo que se cree la especialidá de "Llingua asturiana"


  Anguaño nun va haber convocatoria d'oposiciones docentes pa Primaria n'Asturies, según confirmó güei el conseyeru d'Educación, Genaro Alonso, dada la inseguridá xurídica qu'hai y "l'efectu llamada" que podría llevar a que se presentaren a esti procesu selectivu más de 20.000 opositores.

  El titular d'Educación punxera'l día de güei como fecha llende pa dar a conocer la decisión del Executivu asturianu al respective de estes oposiciones que, según el conseyeru, espera convocar cuanto antes pa rebaxar la tasa d'interinidá, "el próximu añu o'l siguiente".


  Según el conseyeru, el próximu añu podríen convocase tantu les oposiciones a Primaria como a Secundaria, pero ye una decisión qu'entá nun ta tomada.


  El plenu de la Xunta Xeneral tamién aprobara a principios de mes una moción na que s'encamentaba al Executivu asturianu a convocar les oposiciones antes del 15 de marzu col máximu de vacantes posibles y que se coordines col restu de comunidaes que realicen les pruebes pa evitar l'efectu llamada'.


  El pasáu mes el Gobiernu central almitió que sería "muncho más senciellu" poder convocar oposiciones d'empléu públicu, en concretu docente, si hubiera presupuestos xenerales del Estáu de 2017, anque pidió "tranquilidá" porque se va a atopar "una solución".


Una decisión que llega tarde

  Pela soparte, los sindicatos ven lóxicu que'l Principáu arrenuncie a les oposiciones pero llamenten la decisión y creen que llega tarde.


 Comisiones Obreres, UXT, Suatea y ANPE aseguren que ye una mala noticia pa los aspirantes que lleven meses estudiando y pa la interinidá, que ye de cerca del 30%. 


  Consideren que ye una manera d'evitar l'efectu llamada, una y bones el restu de comunidaes yá s'han descolgado. 


  Coles mesmes, esixen que nun se pierdan les places y que les alministraciones coordinar pa executales.                                                              Fonte: rtpa.es

15 comentarios:

  1. Ye una pena que nun se convoquen les oposiciones de maxisteriu anguaño, pero la decisión ye comprensible y tien la so lóxica.

    ResponderEliminar
  2. opositora asturiana16 de marzo de 2017, 23:27

    Genaro Alonso obra perbién nun convocando elecciones daes les circunstancies y la posiibilidad cierta de que vengan a opositar tolos maestros d'España (unos 20.000) y que los maestros asturianos queden prácticamente ensin posiibilidades en favor de quien nun les convoquen. Perbién fechu y decidíu.

    ResponderEliminar
  3. opositora asturiana16 de marzo de 2017, 23:35

    Tamién podríen convocase en Asturies pero col requisitu indispensable de faer les pruebes n'asturianu por que los maestros y maestres asturianes tuvieren les mesmes posibilidaes que tienen otros (los demás) nes autonomíes de quien les convoquen en euskera, en gallegu, en catalán, en valencianu, en mallorquín, etc etc.

    ResponderEliminar
  4. Ye bien ciertu porque asina ye la cosa. Aciertes na diana.

    ResponderEliminar
  5. El fechu de nun tener presupuestos estatales (nin polo tanto autonómicos) pal 2017 ta perxudicando gravemente a munchos sectores granible y terriblemente a les autonomíes que nun pueden ... oposiciones na enseñanza y nesti casu concretu pa maxisteriu. Políticos: apura aprobar los dichosos presupuestos, trabayái un pocu pola xente y non solo pa vós mesmos.

    ResponderEliminar
  6. Perfectu, paezme perbién;yá tamos fartes de que n'autonomíes como l'asturiana pueda venir a opositar llibremente quien quiera y -y de la gana (catalanes, vascos, gallegos y demás) con patente de corsu y ensin cortapisas, y cuando nós queremos faelo allá haya que pasar por una gran peñerada previa que ye la so llingua. o toes o nenguna.

    ResponderEliminar
  7. Ye normal y acéptase esta decisión por lóxica y natural daes les circunstancies pero pa la xente que se tuvo preparando tou mientres enforma tiempu pa opositar ye una noticia bien dura, ¿entiéndese, non?

    ResponderEliminar
  8. pa la opositora asturiana: pa poder convocar oposiciones n'asturianu n'Asturies, que sería lo propio y natural una y bones la caridá empieza por unu mesmu, sería indispensable tener la oficialidá del asturianu y nun la tenemos entá polo que vamos siguir sufriendo la discriminación negativo y abusivo de les otres llingües autonómiques oficiales como hasta agora.

    ResponderEliminar
  9. ¿Nun se dan cuenta'l gobiernu asturianu qu'ensin oficialidá se nos enllenará Asturies de masstros y maestres catalanes, vascos, valencianos, gallegos, etc, nun tengo nada nel so contra, y los nuesos van tener qu'emigrar a Alemaña o a Lituania por casu? ¿para qué tantu esfuerzu d'escolarizar vehicularmente n'asturianu como se pretende?

    ResponderEliminar
  10. Pal amigu Pin, ye qu'en cuestión d'autonomíes ye como no que fai a la llei, esto ye toos somos somos iguales pero unos más qu'otros. Ente los que menos iguales somos tamos los maestros y maestres asturianos.

    ResponderEliminar
  11. Tol mundu sele porque nun va haber oposiciones a maxisteriu hasta'l 2020

    ResponderEliminar
  12. Nós nun podemos opositar en Cataluña, nin en Galicia, nin n'Euskadi, etc por culpa del dominiu del idioma oficial vernáculu qu'ellí esixen; pero ellos sí que pueden opositar n'Asturies porque nun s'esixe'l dominiu de la llingua asturiana (porque nun ye oficial, señor Fernández...) nin de nada de nada, esto ye que nos toca compartir les nueses places n'Asturies con tolos que lo deseyen a pesar de qu'ellos nun comparten absolutamente nada colos demás, ye dicir nun podemos opositar ellí. ¡Esiximos xusticia y... la oficialidá del asturianu a don Javier Fernández!

    ResponderEliminar
  13. Lla oficialidá de la llingua asturiana ye útil y necesaria, ¡oficialidá yá!

    ResponderEliminar
  14. Amás de toes eses coses la oficialidá ye amar a Asturies.

    ResponderEliminar
  15. Perdona Walter, pero qué iluso yes; los intereses del partíu van siempres per delantre del asturianu, de los de la xente, y de los de los ciudadanos. Mira l'asuntu de la estiba... pa echase a llorar. Depués piden y piden ("Facienda somos toos"), ja, ja, ja., qué risa.

    ResponderEliminar

Los comentarios tán pendientes de moderación. Espublizaránse lo primero dable.