SUATEA denuncia los retayos constantes na rede d'escueles infantiles asturianes
SUATEA súmase a la concentración que se va facese mañana xueves 21 de payares a les 18:00 hores na Plaza del Ayuntamientu de Xixón y encamienta a toes aquelles persones defensores de la escuela pública a participar nella.
Dende SUATEA quixeron denunciar "la situación na que s'atopa la rede d'escueles infantiles de 0-3 años col constante retayu de personal. La xestión per parte de les distintes Alministraciones consiste en caltener y ampliar esta rede con menos efectivos nes sos plantiyes. La Conseyería d'Educación decreta los retayos y el Conceyu de Xixón execútales ensin poner nengún interés en compensar los efectos que producen nin en dignificar el llabor d'estes escueles y les persones que trabayen nelles, solucionando l'apertura de los nuevos centros cola redistribución de la plantiya esistente y ensin facer nenguna nueva contratación", señalen dende'l sindicatu.
Dende SUATEA afiten que les escueles infantiles "nun son centros aparca-bebés", y desixen "la integración de la rede de les escueles infantiles de 0-3 nel sistema educativu, reconociéndose'l so calter educativu y asistencial. Caltenimientu del nivel de calidá, d'atención y educación de la rede; que l'apertura de nuevos centros suponga nueves contrataciones y non una amenorga nos recursos esistentes como se fixo cola apertura del centru de Nuevo Roces, y la recuperación de la plantiya qu'había en cada centru al aniciu del cursu escolar". Fonte: InfoAsturies.
Retayos y más retayos nes Escueles Infantiles asturianes mientres los nuesos políticos nun se quiten de nada, viaxan en clase de luxu, voten en contra de subvencionar a l'ALLA nel Congresu, y n'Uviéu se negar la oficialidá de la llingua. Perbón exemplu dan a la ciudadanía
ResponderEliminarNamás piensen n'ellos, nel so bolsu, y nel so partíu políticu que ye quien los pon o quita y da-yos el "trabayu" d'apertar el botonín del sigo o del non cuando-yos manda'l xefe la cábila. ¿Y la xente, qué?... la xente pa otru añu o'l siguiente a ver si llogren arrinca-yos el votu tramposu con mentires otra vegada.otra vegada.
ResponderEliminar¿A que ye asina?
Garrar el paragüines y a lal plaza mayor esta tarde, ¿vale?
ResponderEliminarNon a los retayos na educación infantil, que nun ye un aparcamientu de bebés y hai que dar calidá y bona base.
ResponderEliminarLa mayoría de los políticos profesionales (algunos vitalicios) nun tienen fíos n'edá de 0-3 años, o pueden dexase emplegaes na so casa n'esclusiva pa los neños, eso ye lo qu'asocede. O tamién que colos sos grandes ingresos mensuales pueden pagase colexos infantiles bien caros pa los sos renuevos como "casta privilexada" que son. Los demás, esto ye el restu los mortales, que se iguar como puedan. Duru pero bien ciertu.
ResponderEliminarLos políticos moren nel país piruleta "trabayando" los sos intereses propios y del so partíu, namás. Los tontos de capirotes o de los c..... somos los que los votamos como eveyines. nun hai que votar a nengún nin a naide porque va danos lo mesmo. Pa la prósima la astención total y absoluto porque ye lomeyor y va ser como meyor van funcionar les coses.
ResponderEliminar