25/7/13

LOS MÚSICOS ÍGOR MEDIO Y CARLOS REDONDO N'ALCORDANZA

N’Alcordanza 2013 celebróse en Xixón con un mensaxe revindicativu el 28 y 29 de xunu



   Más de 20 grupos asturianos en 11 locales de Xixón recordaron a los desaparecíos músicos Ígor Medio y Carlos Redondo, con un festival de carácter reivindicativu llamando l’atención sobre la situación de la música asturiana al traviés d’un manifiestu

   N’Alcordanza ye’l nome del festival que representa’l recuerdu a los músicos Ígor Medio y Carlos Redondo, desaparecíos n’accidente de tráficu nel añu 2006. Dende entós p’acá, tolos meses de xunu celebrábase una xunta de grupos y amigos pa recordar a los compañeros desaparecíos. En 2013 esti alcuentru dio un saltu, y cola collaboración de les y los músicos asturianos, y un bon númberu de locales de la ciudá de Xixón, celebróse en dos díes de música en directu como forma d’alcordanza, pero tamién como llamada d’atención sobre la situación llaboral na que viven los profesionales de la música n’Asturies. Asina, antes de cada actuación, lleyóse un manifiestu que recueye delles de les reivindicaciones qu’esmolecen a les y los músicos.

   Ente los grupos que actuaron a lo llargo d’esos dos díes tán xente como Felpeyu, Nacho Vegas, Los Izquierdos, Mariluz Cristobal Caunedo, DRD, Toli Morilla, Pauline en la Playa, El Tamar, Carlos Pizarro...etc y un montón más, que enllenaron Xixón de música, alcordanza y reivindicación.

   Fonte:  Aruelu.com

3 comentarios:

  1. Tolos músicos merecer, tamién Ígor y Carlos y tolos qu'especialmente mientres los branos actúen un dia sí otru tamién viviendo un continuu pregrinar viaxando diariamente munchos kilómetros en condiciones tarrecibles de suañu y bien pocu descansu p'allegrar y faer vivir, y a vegaes alicar, a la xente que bien poco sabe d'estos avatares por ganase el pan cuando se puede. Gloria, aplausu y alcordanza pa Igor y pa Carlos y tamién por estensión pa toos los músicos y orquestes que son y que recuerren praos, pueblinos y ciudades casi ensin dormir mientres el branu.

    ResponderEliminar
  2. Totalmente esactu, ciertu y puntual. N'Alcordanza.

    ResponderEliminar
  3. Luisín el músicu26 de julio de 2013, 17:40

    D'esti gran sacrificiu del músicu errante(cantautores, grupos, charangues, orquestes, etc) nun se percata casi naide y menos entá nel xolgoriu d'una fiesta o romería. Cuando actúen na fiesta de la to aldea afítate a ver si tien güeyos de suañu ode cansanciu perbién disimuláui... y apláudilos.

    ResponderEliminar

Los comentarios tán pendientes de moderación. Espublizaránse lo primero dable.