Esti llunes inauguróse en Cangas del Narcea una edición nueva de la Universidá Asturiana de Branu (UABRA), entamada pola Academia de la Llingua Asturiana (ALLA), la Universidá d'Uviéu y el Conceyu de Cangas. Na inauguración participaron, como ye vezu, nel actu tuvo presente'l direutor del cursu, Xosé Antón González Riaño, la presidenta de l'ALLA, Ana Cano, l'alcalde de Cangas y un represenante de la Estensión Universitaria. Sicási esti añu nun tuvo presente la Conseyera d'Educación y Cultura, Ana González, que l'añu pasáu comprometiérase nesti mesmu marcu a tener avanzada una solución que permitiera al profesoráu d'asturianu tener reconocida la especialidá, lo que permitiría convocar oposiciones con normalidá y evitar la eterna interinidá que viven anguaño.
Nel so llugar tuvo Ana Fueyo, Directora Xeneral de Política Llingüística, que nun dio nenguna esplicación sobre l'ausencia de la Conseyera, anque si mandó un saludu nel so nome. Tampoco dio esplicación dala sobre la situación d'esti asuntu prometíu pola Conseyera l'añu pasáu.
Ana Cano faló de la importancia d'estos cursos, nos qu'esti añu collabora CaxAstur y ALSA como patrocinadores y recordó l'ésitu de poder llevar alantre tolos cursos pa los que s'abrió matrícula, per primer vegada. En total participen nos cursos, que se celebren na Escuela Llar de Cangas, 170 persones ente alumnos y profesores, con cursos d'asturianu pero tamién d'otres cuestiones, como internet, la xestión cultural, la hestoria... siempres col asturianu como llingua vehicular.
Dempués de la presentación, na Casa Cultura de Cangas, presentóse nesi mesmu llugar una esposición entamada por mor de la UABRA y dedicada a la ropa traidicional. Xandru Armesto, del Grupu San Félix de Candás, qu'entama esta amuesa, fizo de presentador con un paséu d'alumnos y autoridaes peles distintes partes de la mesma.
Fonte. Asturnews
La conseyera ta mui ocupada retayando personal nes escueles infantiles amás de refugando la oficialidá del asturianu, como pa dir a la UABRA.
ResponderEliminarYe bien ciertu que nun tien vocación de serviciu a la enseñanza nin a les persones (profesoráu, neñosy neñes, padres) que diz protexer, amparar, y pa los que trabayar con ganes y esixencia plena. La conseyera ye otra desertora de la tiza que traga sapos y culiebres pa nun dir a dar clase ni un dia más si fuera posible, ye una política más que quier conservar el puestín asumiendo la obediencia plena al retayador xefe de turno, nesti precusu casu pa la Educación Infantil de 0 a 3 añinos, amás de l'enseñu del asturianu, etc: ye d'eses del "sí bwuana".
ResponderEliminarDaría-y vergoña pasa énte'l Parador de "Corias" depués del ridículu del pseudogobiernín "asturianu" que nun fizo nada y la toma de pelo de la empresa de los paradores que fizo lo que quiso cola toponimia.
ResponderEliminar¡Ay conseyera, conseyera! ¿conseyera de qué? de la voz del so amu o seya de los retayos namás.
ResponderEliminar¿Y por qué tenía que dir la conseyera? Yá dixo Ana Cano que disculpara l'ausencia y que taba too bien.
ResponderEliminar