El Parque de la Prehistoria de Teberga y l'Asociación Cultural La Ponte ufierten una nueva actividá na que'l públicu va poder averase a los Valles del Osu y esfrutar d'un entreteníu programa pa tolos públicos nuna redolada escepcional.
Esta actividá va tener llugar tolos domingos de xunetu y agostu, y amás los díes 29 de setiembre, 27 d'ochobre y 24 de payares. Inclúi una ruta (de 10:30 a 13:30 hores). Mientres esta ruta de trés hores de duración, con entamu y final nel aparcaderu de Tuñón (Santo Adriano), visítense la Cueva del Conde y l'Abrigu de Santu Adrianu, dambos xacimientos con arte parietal. Amás, fadráse una visita y taller temáticu nel Parque de la Prehestoria (puede participase nesta actividá a lo llargo del día, nes distintes frecuencies que s'ufierten). Una entretenida manera de conocer el pasáu y entender la evolución, coles mesmes qu'afayar l'orixe del arte.
Ye imprescindible acutar enantes nos teléfonos 985 76 14 03 y 637 06 16 10 o nel corréu lletrónicu info@laponte.org
Fonte: Asturnews.
Preciosu llugar con paraxes auténticos como la peña Sobia.
ResponderEliminarGuapu...
ResponderEliminarYe una opción bien favoratible para faer turismo asturianu, inclusive a cuerpu o en bicicleta pola Sienda del Osu dende Santo Adriano-Tuñón hasta Teberga, o al aviesu que ye cuesta abaxu y presta más.
ResponderEliminarLa montaña de Teverga en plena natura astur na fastera llionesa y pa rematar esa obra de l'arte y la ciencia que ye el Parque de la Prehestoria. Asturies ye asina de guapa ya interesante.
ResponderEliminarMagnífico, asina ye.
ResponderEliminar