La Fiesta de la Oficialidá de Bimenes va a cellebrase'l 6 de Xunetu, con actividaes complementaries en díes distintos.
Bimenes entama un añu más la so Fiesta de la Oficialidá, que cumple yá la so XVII edición. Nesta ocasión esta xornada de folixa y vindicación tendrá llugar el 6 de Xunetu, con un programa enllenu d'actividaes musicales y culturales. El pregón d'esti añu tará a cargu de Luis Portal Hevia, escritor y periodista, qu'a les 12:15 dará pasu a un programa músical, folclóricu y cultural bien diversu, cola yá tradicional Danza de la Oficialidá, y otres actividaes como les actuaciones de grupos folclóricos.
Los Yerbatos, La Flor del Pumar, Alienda, o Ajo Band, son dalgunos de los conxuntos participantes. A too ello habrá qu'amestar l'amuesa bolística de cuatriada o la xinta popular, nun programa completu y de claru conteníu cultural asturianu. A la xornada del 6 de xunetu habrá qu'amestar actividaes compementaries, como la representación teatral del día 5, o la xornada lliteraria del día 12.
Fonte: Infoasturies
La movilización de los conceyos pola oficialidá foi l'intentu más seriu de llograla. Norabona a Bimenes que caltién esi espíritu vivu.
ResponderEliminarPor favor... ¿qué espíritu nin qué coimes? Estos lo que que quieren caltener ye una fiestuca pa tener xente nos chigres un día al añu. Si tuvieren pola oficialidá de verdá, podíen facer bien de coses que nun faen.
ResponderEliminarBimenes entamó la cadena de conceyos pola oficialidá. Esi pasu hestóricu ye lo que se festexa.
ResponderEliminarYo tuvi ellí cuando se proclamó la para-oficialidá, y a esta distancia veo claro que nun hai nada que celebrar y sí muncho que trabayar.
ResponderEliminarEsta fiesta ye un síntoma clarísimu d'en qué acabó dando l'asturianismu: nun movimientu inútil que nun quier más que símbolos y folklore.
Too ye bono pa Bimenes y pa sofitar la oficialidá de la llingua.
ResponderEliminar