16/4/12

Sobre´l futuru del asturianu


Ye grande’l pesu de los factores que s’oponen a la supervivencia de la llingua asturiana y mayor entá’l llastre que presenta la postura antiasturianista que tienen les nueses elites culturales y la nuesa burguesia, conocen l’asturianu pero falen castellán que trai más prestíu y poder. L’abandonu de la mesma cultura y la mesma llingua cumple na sociedá asturiana’l papel de "marca de prestíu" pa quien se xune a la cultura llamada cimera.

Nun procesu d´aculturación como’l que tamos viviendo na actualidá’l castellán va faciéndose la llingua de la documentación oficial y de la cultura, pasando a ser un "elementu diferenciador de clases". La llingua asturiana compite siempre n’inferioridá de condiciones cola llingua castellana non solo gracies a les nueses elites culturales y a la nuesa burguesia qu’ensin dulda xueguen un papel clave nesti procesu d'aculturización.

Ye clave tambien el papel desempeñáu polos medios de comunicación los cualos tresmiten unos modelos de comportamientu qu’esclúin ensin posiblidá de defensa la nuesa llingua y la nuesa cultura que se faen facilmente modificables por manos d’unos pocos. El castellán ye una "llingua universal" y como tala ta capacitada pa comunicar cualesquier conteníu y l’asturianu ye una "llingua minoritaria" que namás sirve pa referise a realidaes rexonales o llocales.

Podemos ser escépticos y tenemos motivos pa ello basándonos n’esperiencies pasaes, yá que paez que nun somos quien como pueblu a reconcilianos con nós mesmos, colo que somos y colo qu’escuchamos. Falantes y non falantes tenemos que dexar de llau prexuicios o fundamentalismos de cualquier signu y dexar de considerar l’asturianu como materia de discutiniu ideolóxicu nacionalista o de cualesquier otru tipu.

Ye imprescindible’l consensu social y sobremanera políticu pa buscar la eficacia nes midíes a adoptar desfaciendo dende’l principiu los prexuicios de la obligatoriedá individual del billingüismu que tanto dañu faen a la simple posibilidá de la deliberación. Fáise urxente la intervención pública en forma de polítiques llingüístiques series y contrastaes de recuperación, dignificación y normalización de la llingua asturiana.

El fechu de que l’asturianu nun sía una llingua oficial pon torgues al drechu per parte de los ciudadanos a usala. Solo hai una manera de salvar una llingua minorizada nuna situación diglósica y de billingüismu desquilibráu qu’ufierte garantíes de futuru al asturianu como patrimoniu cultural y a los drechos de les persones que quieran usala, esfrutala o tresmitila a les xeneraciones vinientes... reconocer la so esistencia y dotala del estatus d’oficialidá.

Nun podemos siguir alimentando l’asimetría negativa de ser la única comunidá billingüe que nun garantiza’l so billingüismu col estatus d’oficialidá. Hai razones pal optimismu, pa imaxinar un mundu y una tierra onde podamos ver, vivir y crecer na nuesa llingua. Esi ye’l suañu de toes aquelles persones que mayoritariamente queremos que l’asturianu siga vivu y que día tres día la llingua asturiana vaiga ganando tarrén.

Xose González

Fonte: Aruelu.com

8 comentarios:

  1. > dexar de considerar l’asturianu como materia de discutiniu ideolóxicu nacionalista o de cualesquier otru tipu

    Vosaltres podeu deixar de considerar l'asturià una matèria nacionalista però els espanyolistes mai no deixaran de considerar el castellà una matèria nacionalista.

    ResponderEliminar
  2. sí, tienes razón, pero los españolistes nun dirán que la so llingua ye materia de nacionalistes(españoles nesti casu).
    A les entruges d'unes periodistes al engomináu d'Intereconomía si tuviera qu'esbillar ente ser: socialista, nacionalista o del Barça, él retrucó: "prefiero la muerte". Nun sé que fai yá porque sí que ye nacionalista, nacionalista español pero eso ta bien visto y consentido.
    Ver el caberu programa d'APM(TV3).

    ResponderEliminar
  3. > dexar de considerar l’asturianu NAMÁI como materia de discutiniu ideolóxicu nacionalista o de cualesquier otru tipu

    Pa min que-y faltó la pallabra NAMÁI pa esclariar les coses. Hai que falar n'asturianu de toles materies esistentes. Quiciabis úsase demasiáu NAMAÍ que pa falar de determinaes materies.

    ResponderEliminar
  4. Amb aquesta última correcció, la frase queda correcta, sí.

    ResponderEliminar
  5. David nun ties razón porque olvídaste de que españolistes ta permal enunciáu porque la pallabra que toca ye español, ya que anque asturianos, catalanes, vascos, gallegos, andaluces, valancianos, etc tamién somos españoles parézcate o non, y si nun lo ves asina ye que tás ciegu o ye qu'el to nacionalismu estremu nun te dexa güeyar el bosque.

    ResponderEliminar
  6. Ets un exemple perfecte del nacionalista que dic, versió espanyolista. Gràcies.

    ResponderEliminar
  7. Me gustaría saber si todo lo que no es catalán es españolista.

    ResponderEliminar
  8. No, el que no és català pot ser espanyolista o trompetista.

    ResponderEliminar

Los comentarios tán pendientes de moderación. Espublizaránse lo primero dable.