Según informó’l Conseyeru d’Educación y Ciencia d’Asturies, Herminio Sastre, nel enseñu concertáu, l’asignatura de llingua asturiana namái tien un siguimientu del 6,8% sobre’l total de matriculaos nesti cursu. El datu supón una xuba del 1,3 por ciertu con respeutu al cursu 2008-09, pero sigue siendo una cifra bien baxa, teniendo en cuenta que’l 56,6% de los alumnos de la pública, van dar asturianu esti añu, con un puntu más que l’añu pasáu.
Pocos son los exemplos de colexos concertaos comprometíos col enseñu del asturianu. Unu de los más destacaos ye’l colexu San Lorenzo de Xixón, primeru en dar asturianu ente los concertaos, y anguaño con un porcentaxe averáu al 100% d’alumnos matriculaos n’asturianu.
El Conseyeru refirióse tamién estos díes a la contratación de profesores n’asturianu, que recordó, nun se pue facer con places permanentes “por nun esistir una titulación universitaria concreta”. Esto va camudar a partir d’esti mesmu cursu, col entamu de les titulaciones oficiales d’asturianu na Universidá d’Uviéu. Nun habrá yá escuses pa convocar les places con normalidá, dempués de más de 25 años d’asturianu nes escueles.
Fonte: Asturnews
A Catalunya també hi ha problemes amb alguns col·legis concertats i privats perquè són reacis al català. Clar, els mínims els han de complir per la legislació que hi ha sobre el tema.
ResponderEliminarye lo que tienen los españoles
ResponderEliminarYe un bon exemplu pa tol enseñu concertau d'Asturies el del colexu Santo Ángel de Xixón col 100% del alumnau matriculau n'asturianu. a seguir... El problema ye que la llingua nun ye oficial.
ResponderEliminarperbien mayestru,¿nn ye tamién un pilancu que tolos centros tan obligaos a ufiertar l'asignatura de llingua asturiana y nun lo faen?
ResponderEliminar¿entá se considera com actividá fuera del horariu o eso yá ta iguao?
Ye una asignatura d'ufierta obligada dende tolos colexos que reciban dineru públicu y esti puntu nun se cumple polo que deberíen recibir menos perres públiques polo tanto, ¿non?.
ResponderEliminar¿iguaronse tamién les amenaces que-yos faien a los pas diciendo que si esbillaben asturianu perderien de dar otres asignatures "importantes"?
ResponderEliminar