25/9/10

España, ente los estaos de la XE con más adultos que nun falen denguna llingua estranxera


España figura ente los estaos de la Xunión Europea con un mayor porcentaxe de población ente 25 y 64 que diz nun tener nenguna conocencia d'un idioma estranxeru, un 46,6%, namái superáu por Portugal, Hungría y Rumanía, según un sondéu espublizáu esti vienres por Eurostat, la oficina estadística europea, coincidiendo col Día Européu de les Llingües.
Los españoles qu'aseguren ser competentes n'otru idioma distintu al maternu son el 15,6%, dalgo más que la media europea del 13,3%. España queda de la mesma manera penriba de la media comunitaria en porcentaxe d'alumnos d'enseñanza primaria qu'estudien una llingua estranxera, asitiándose a la cabeza de la XE, con un 98%, al par de Luxemburgu y Suecia, onde lo faen el 100% de los estudiantes, y Italia, un 99%.
Les tases más baxes de neños que cursen un idioma estranxeru tiénenles Irlanda, Países Baxos y Hungría, onde se rexistren porcentaxes del 3%, 32% y 33%, respeutivamente. Nel conxuntu de la XE, nel añu 2008, el 79% de los alumnos de primaria y el 83% de los de secundaria cursaben otra llingua distinta a la materna.
En dambos los dos casos, lo que más s'estudia ye l'inglés. Cuando se pasa al enseñu secundariu y al deprendimientu d'un segundu idioma, apaecen el francés y l'alemán. N'Irlanda, Reinu Xuníu y Suecia, ye l'español la segunda llingua escoyida polos estudiantes, dempués del francés nos dos primeros casos y del inglés nel casu de Suecia.
Mientres, nel conxuntu de la Xunión Europea, namái'l 13% de la población ente 25 y 65 años considérense competentes nuna llingua estranxera y el 36% asegura nun tener nenguna conocencia llingüística.
A lo último, ente los europeos que meyor dicen emplegase en cuestión de llingües figuren los letones, eslovenos y eslovacos, onde ente'l 55% y el 44% asegura ser competente n'otru idioma. Eurostat constata, de la mesma manera, que la llingua estranxera que más falen los europeos ye l'inglés.

Fonte: Europa Press

1 comentario:

  1. Compte amb les estadístiques.

    "...los letones, eslovenos y eslovacos, onde ente'l 55% y el 44% asegura ser competente n'otru idioma..."

    La notícia hauria d'especificar que en els dos primers casos la llengua estrangera és el rus, potència ocupant del 1945 al 1995 més o menys, i en el darrer, el txec per raons històriques.

    Sense aquestes particularitats, absolutament tots els països estem dins d'aquest 13% de la mitjana.

    I ara una pregunta que em faig des de fa anys: aquest poc domini d'idiomes estrangers, és degut a un mal sistema educatiu o a que no hi ha necessitat de saber-ne?

    ResponderEliminar

Los comentarios tán pendientes de moderación. Espublizaránse lo primero dable.