El Día de la Llingua Mirandesa va cellebrase güei vienres 17 de setiembre. Nesta fecha, cúmplese l’aniversariu de la presentación del proyeutu de llei col que s’aprebó la reconocencia llegal d’esta variedá llingüística del asturlleonés falada en Portugal. El 19 de payares de 1998 el Parllamentu de la República de Portugal declaró la oficialidá del mirandés, pero enantes, el diputáu Júlio Meirinhos presentara’l proyeutu de llei que fixera posible da-y un marcu llegal a esta variedá llingüística.
Esti añu la cellebración del Die de la Lhéngua Mirandesa va desenvolvese en Miranda del Douru con dellos actos rellacionaos cola llingua. La ponencia titulada Más de mil años de llingua mirandesa, impartida por Amadeu Ferreira, esposiciones y la representación teatral de la obra en mirandés Ls lusíadas, son dellos de los conteníos.
El mirandés o lhéngua mirandesa ye la única variedá de tol tueru llingüísticu asturlleonés qu’anguaño tien reconocimientu oficial. Fálase nel conceyu portugués de Miranda del Douru y en delles partes de Birmioso, con unos 15.000 falantes. Amás de la oficialidá, esta llingua tamién foi introducida nes escueles nel cursu 1986/87. L’Anstituto de la Lhéngua Mirandesa, creyáu en 2003, ye’l muérganu encargáu de la so promoción y normalización.
Fonte: Estaya d’asturianu
Fonte: Estaya d’asturianu
Los políticos asturianos habría de camentar...Una llingua con 15000 falantes ye oficial y l'asturianu con munchos más non.
ResponderEliminar¿sedrá que hai falta de llibertá n'Asturies?¿ o sedrá que Portugal ye democrático?
L'asturianu llingua oficial, ya.
ResponderEliminar