L’Academia de la Llingua Asturiana cellebra esti vienres 7 de mayu, la XXXI edición del Día de les Lletres Asturianes a partir de les ocho y media la tarde. L’actu va entamar con un entamu musical a cargu del Che de Cabaños, cantador de tonada, y Rodrigo Joglar, gaiteru y miembru del grupu folk Verdasca.
Darréu l’ALLA va nomar un nuevu miembru, el xurista ya investigador de la lliteratura tradicional Nicolás Bartolomé Pérez, lleonés que trabaya como abogáu n’Asturies, y que vien collaborando cola ALLA dende va años al traviés d’artículos en Lletres Asturianes, la so participación nes Xornaes d’Estudiu y la redaición d’un vocabulariu, el segundu de la iniciativa Termast, centráu na terminoloxía xurídica y alministrativa. El nomamientu supón un refuerciu de la presencia d’académicos del sur del del cordal, que ye fechu natural dende los entamos de l'ALLA.
L’actu va siguir col discursu institucional de la presidenta Ana María Cano González, una esbilla de testos del númberu últimu de Lletres Lliterariu, y un conciertín d’Alfredo González.
Amás, l’ALLA celebra una espicha nel Restaurán Tierra Astur de Cualloto, pal qu’hai qu’acutar plaza nel teléfonu 985 211 837. Cuntaráse con serviciu d’autobuses.
Fonte: Asturnews
No hay comentarios:
Publicar un comentario
Los comentarios tán pendientes de moderación. Espublizaránse lo primero dable.