Hasta'l 30 d'esti mes de mayu hai plazu pa inscribise na II Sestaferia del Profesoráu de Llingua Asturiana pal qu'hai un máximu de 120 places pa profesores n'activu de Primaria y Secundaria qu'impartan l'asignatura de Llingua Asturiana. Esta xornada va cellebrase nel CPR d’Uviéu el 4 de xunu, horariu de mañana y tarde, con un programa onde les aplicaciones didáutiques que se vienen desendolcando nel aula d'asturianu van ser les protagonistes.
Ente los conteníos d'esta II Sestaferia tan analizar la contribución de la llingua asturiana al llogru de la competencia en comunicación llingüística, l'emplegu de les Teunoloxíes Nueves nes clases d’asturianu, la utilización del blogue como recursu didáuticu, les aplicaciones didáutiques nueves de la prensa dixital nel aula de Llingua Asturiana, la utilización de la radio como ferramienta didáutica o la pizarra dixital nes clases d’asturianu. Concrétense cola presentación de ponencies a primer hora de la mañana y de la tarde, pa facer depués talleres simultáneos rellacionaos con ellos.
Fonte: Infoasturies
Perbona y productiva sestaferia, collacios.
ResponderEliminar