La educación na llingua minorizada ye una ferramienta de primer orde pal so deprendimientu y pa la so normalización social. Nesta llista, tolos casos correspuenden a autonomíes onde la llingua propia ye cooficial col castellanu, sacante Asturies onde entá nun tien esi estatus llegal.
Galicia
Afítase un mínimu del 50% d’asignatures en gallegu.
Euskadi
Hai tres modelos, en castellanu col euskera como asignatura (D), billingüe (B) y n’euskera col castellanu como asignatura (A). La opción n’euskera ye la mayoritaria col 56%.
Cataluña
El catalán ye la llingua vehicular, col castellanu como asignatura.
Islles Baleares
Ye obligatoriu un mínimu del 50% en catalán, que se potencia como llingua vehicular. Quienes tienen dificultaes reciben clases de sofitu.
Valencia
Pue escoyese estudiar en catalán o en castellanu. 744 de 900 colexos ufierten catalán.
Asturies
L’enseñu ye voluntariu. Son 17.000 estudiantes, asina que’l 55%, de los alumnos de Primaria estudia l’asturianu. El 91 % de los centros ufierten clases d’asturianu.
Los colexos públicos ufierten l'enseñu de la llingua asturiana en la so mayoría, y ¿en los colexos concertaos y privaos?
ResponderEliminarEn Valencia la so llingua nómase valencianu y non catalán, nun tien muncha importancia pero paez que ye asina.
ResponderEliminarNos colexos privaos paezme que nun pasen del 4% los escolinos que reciben clases d'asturianu.
ResponderEliminarY otra cosa, valencianu ye'l nome que recibe políticamente nel estatutu d'autonomía de Valencia, pero catalán ye'l nome científicu que-y dan toles universidaes. EL valencianu ye un dialeutu de la llingua catalana.
No vamos mal pero aún hay muchu camín por facer.
ResponderEliminarGracies a Llugás pola doble aclaración. Los colexos privaos nun tien afición a la llingua asturiana. Aclaráu, el valencianu ye un dialeutu del catalán.
ResponderEliminarYe un estudiu perbién acabáu, solo que en Euskadi y Cataluña ye práuticamente imposible estudiar en castellán, dígolo por experiencia propia.
ResponderEliminarLo del 50% en catalán como llingua vehicular en les Islles Baleares ye reciente, a ver qué tal resulta al facelu obligatoriu.
ResponderEliminarDirixíu a mayestros y responsables: nos colexos privaos nun se ofierta l'asturianu como optativa pa los nenos, ye una pena y entrúgome si podría facese algo más n'ese sentíu...
ResponderEliminar