La Casa’l Conceyu de Llangréu acoyó la presentación de la campaña de normalización social del asturianu "El Mio Primer Vocabulariu, vocabulariu básicu de la Llingua Asturiana n’imáxenes". L’actu presidiólu l’Alcaldesa de Llangréu y cuntó cola presencia de la Conceyala de Política Llingüística, amás del diseñador de la campaña y el responsable del Serviciu de Normalización Llingüística llangreanu.
"El Mio Primer Vocabulariu, vocabulariu básicu n’imáxenes de la Llingua Asturiana" ye una campaña que busca "afalar l'usu del asturianu ente los neños y neñes más mozos del conceyu y concienciar al profesoráu y a les families de la importancia d'usar l'asturianu nos primeros años de vida".
Esta nueva iniciativa del Conceyu de Llangréu va empobinada "a les escueles de 0 a 3 años y a los primeros cursos d’educación infantil, y consiste nun vocabulariu básicu n’imáxenes pa que los más pequeños y pequeñes vayan conociendo y familiarizándose con términos y pallabres venceyaes a la so rodiada más cercana: el so cuerpu, la ciudá, la escuela, el parque, el bañu, los colores y les formes xeométriques, y la so casa".
Esta campaña desendólcase al traviés de siete modelos diferentes de cartelos a tou collor con dibuxos del prestixosu diseñador Alfonso Zapico, estos cartelos presenten un vocabulariu básicu n’imáxenes d’unos 200 términos d’usu frecuente y cercanu a lo más mozo de la casa. Los cartelos compleméntense con fiches en blancu y negru pa pintar que permiten trabayar de forma entretenida esti proyeutu.
La campaña El Mio Primer Vocabulariu, vocabulariu básicu n’imáxenes de la Llingua Asturiana “ponla en marcha l’Ayuntamientu de Llangréu en collaboración cola Rede de Normalización Llingüística nos Conceyos y cuntó cola aidanza económica de la Conseyería de Cultura y Turismu del Principáu d’Asturies”.
"El Mio Primer Vocabulariu, vocabulariu básicu n’imáxenes de la Llingua Asturiana" ye una campaña que busca "afalar l'usu del asturianu ente los neños y neñes más mozos del conceyu y concienciar al profesoráu y a les families de la importancia d'usar l'asturianu nos primeros años de vida".
Esta nueva iniciativa del Conceyu de Llangréu va empobinada "a les escueles de 0 a 3 años y a los primeros cursos d’educación infantil, y consiste nun vocabulariu básicu n’imáxenes pa que los más pequeños y pequeñes vayan conociendo y familiarizándose con términos y pallabres venceyaes a la so rodiada más cercana: el so cuerpu, la ciudá, la escuela, el parque, el bañu, los colores y les formes xeométriques, y la so casa".
Esta campaña desendólcase al traviés de siete modelos diferentes de cartelos a tou collor con dibuxos del prestixosu diseñador Alfonso Zapico, estos cartelos presenten un vocabulariu básicu n’imáxenes d’unos 200 términos d’usu frecuente y cercanu a lo más mozo de la casa. Los cartelos compleméntense con fiches en blancu y negru pa pintar que permiten trabayar de forma entretenida esti proyeutu.
La campaña El Mio Primer Vocabulariu, vocabulariu básicu n’imáxenes de la Llingua Asturiana “ponla en marcha l’Ayuntamientu de Llangréu en collaboración cola Rede de Normalización Llingüística nos Conceyos y cuntó cola aidanza económica de la Conseyería de Cultura y Turismu del Principáu d’Asturies”.
Un sobresaliente cum laude pal Ayuntamiento de Llangréu pola so iniciativa en la campaña de normalización a través de "El Mio Primer Vocabulariu", que ye un exemplu para munchos otros y pal gobiernu asturianu en paprticular.
ResponderEliminar