23/1/17

III CURSU D’INICIACIÓN A LA LLINGUA LLIONESA (CONTINÚA)

  La nuesa asociación, cumpriendo cono sou compromisu cona
iii-cursu-iniciacion-lliones-faceiradefensa y promoción de la llingua y cultura llionesas, y ante l’exitu de los cursos llevaos a cabu los dous pasaos años, organiza’l sou tercer cursu d’iniciación al nuesu idioma en modu presencial que vai tener llugar na ciudá de Llión, concretamente nas aulas de la consultoría de formación Skala, asitiada na calle Jorge de Montemayor, 6.

 El cursu tendrá una duración total de 48 horas lectivas que s’impartirán cada vienres ente las 17,00 y las 19,00 horas, dende’l 4 de noviembre del presente añu hasta’l 5 de mayu de 2017. Las crases contarán cumo base de trabayu cona guía gramatical de llionés Xurdir y el manual prácticu d’iniciación Falar con Xeitu, editaos entrambos los dous pola nuesa asociación, amás d’outros materiales didácticos que serán entregaos a cada alumnu dientro’l preciu de matrícula. Xunto al aspectu concretamente llingüísticu, el cursu abordará tamién aspectos de literatura, historia, toponimia ou cultura tradicional llionesa, eiros au la nuesa llingua siempre xugóu un papel fundamental.
 Tódolos interesaos en matriculase pueden facelo en Skala Formación, calle Jorge de Montemayor, 6. Pa más información contactar na nuesa dirección de corréu asociacionfaceira@gmail.com                                                             Fonte: faceira.org

3 comentarios:

  1. Esti cursu de llionés empezó'l 4 de noviembre pero agora empieza la segunda parte del mesmu hasta'l 5 de mayu polo que se torna bien interesante.

    ResponderEliminar
  2. Sí que lo ye, Elipe, pero yá resulta daqué tarde ¿non te paez?

    ResponderEliminar
  3. Nunca ye tarde si tratar d'aprender.

    ResponderEliminar

Los comentarios tán pendientes de moderación. Espublizaránse lo primero dable.