10/1/17

Deixa sien priessas

Froles mirandesas:   



                ... Deixa sien priessas ...
         Deixa sien priessas
         que l perdon abaixe a la chaga abierta,
         que l graniço çcoalhe
         i se druma na nata na huorta,
         para que frescos médren
         i a pouco flúren ls suonhos,
         anque l tiempo te meta priessa,
         dalgeiro a spá-se-te de las manos.

         L perdon!... 
         L perdon amerosa l delor
         anque seia brabo,
         zbota las eimaiges
         anque séian fuortes,
         smerila la raiba
         anque seia dura.

         Bibe l hoije sien pensares ne l onte
         mesmo que l onte tenga sido eilebado
         i l manhana, quien l sabe?

         Spera que las lhágrimas lhímpen
         la polagueira assente
         para deilhas tirares l sal
         que há-de aceçonar ls beisos,
         ls abraços,
         l ancanto cun que mirarás l crabo
         i le sentirás l oulor
         nas nuites, ne ls dies,
         na poçanquita de l sunriso.

         Apuis há-de-se riabibar la chama,
         hán-de pegar fogo nas squinas de l cuorpo,
         hánde-se eiriçar las cronas de ls cabeços
         a derretir nas labas de l deseio
         i a fazer arramar l riu que an ti cuorre,
         antre ls lhados bulcánicos, citre.            

Fonte: frolesmirandesas.blogspot.com.es

5 comentarios:

  1. Poesía, tenrura, soños, realidade, música, experiencias, as palabras de danza, profundidade, creatividade, sentimentos, durez, suavidade, relaxarse ... grazas Adelaide.

    ResponderEliminar
  2. Qué guapo y qué duce suena.

    ResponderEliminar
  3. Como que ye poesía mirandesa, Inés.

    ResponderEliminar
  4. Una maraviyosa y socesiva descripción de sentimientos.

    ResponderEliminar
  5. Magnífica poesía y guapu el panexíricu de Teixeiro.

    ResponderEliminar

Los comentarios tán pendientes de moderación. Espublizaránse lo primero dable.