Esti mes dedicamos nuesa portada y dossier al próximu ya inminente amu del Mundu: te resumimos los dolce puntos clave de lo que-y va deparar a Estaos Xuníos el mandatu de Donald Trump. Amás, chistes a cuenta de Iglesias y Errejón, una repasada rápida a los famosos muertos de 2016 (¡un montón!) y les nueses series y secciones habituales. LLEER MEYORA
La revista satírica dixital "Orgullo y Satisfacción", formada por exdibuxantes de ‘El Jueves’, anunció que va cerrar n’avientu de 2017 porque, tres dos años y mediu de vida, la revista nun algamó la cantidá mínima de 12.000 suscriptores qu’envalora necesaria p’algamar la so viabilidá.
Asina lo esplica la mesma publicación nel so sitiu web, na que recuerda que cuando empecipió la so andadura nun esperaba repitir los 40.000 exemplares vendíos del so númberu 0, pero siquier sí consolidase en 12.000 suscriptores.
Nesti sentíu, esplica que ‘Orgullo y Satisfacción’ parte equitativamente los beneficios ente tolos que la escriben, dibuxen, editen, alministren, promocionen y ponen n’Internet cada mes. “Xeres qu’esixen munches hores y que merecen un sueldu dignu, imposible con menos suscriptores”, añede. Por ello, avanza quel’últimu númberu que va salir a la vienta va ser el númberu 40, n’avientu de 2017 y, hasta entós, la revista va allegar cada mes a la so cita colos llectores. La decisión de la fecha esplícase porque nesi mes vencen les últimes suscripciones formalizaes hasta güei.
La publicación asegura que, ensin resultancies y dientro de la so idea fundacional d’independencia frente a socios financieros y a la publicidá, intentaron adoptar midíes pa evitar esti desenllaz. Na mesma llínea, afirma que nun tien entamáu reconvertise porque supondría la so independencia financiera y de la publicidá. Sía que non, señala que toles suscripciones van siguir n’activu mientres 2017 y tamién van poder realizase nueves suscripciones pol númberu de númberos que queden por publicar. Tres el zarru, el sitiu web va siguir activu mientres unos meses pa que tolos suscriptores tengan marxe abondo pa descargar toles sos revistes. Fonte: asturnews.com
Ye'l signu cultural -bien murniu- de los tiempos que nos toca vivir y carecer.
ResponderEliminarLes ediciones en papel de llibros, prensa, revistes, etc paez que tienden a dir sumiendo y como exemplu ta El Xueves por falta de sostenibilidá, ¿ daquién puede aventurar ónde vamos llegar nesta cuesta abaxo ensin frenos?
ResponderEliminarYe una empresa condergada a la desapaición por falta de sostenibilidá económica, ye la llei de la ufierta y la demanda. Por desgracia repitir la hestoria de la so versión orixinal en papel.
ResponderEliminar¡pena... !
ResponderEliminar