‘Tour 87-17’ ye’l nome de la xira que va llevar a Dixebra a tocar per Asturies y otros países europeos a los llargo d’esti 2017 y que va cuntar con un conciertu especial. D’igual forma, el grupu avilesín va entrar n’estudiu pa grabar trés temes dientro del proyeutu musical nomáu ‘Dalgo vieyo, dalgo nuevo, dalgo emprestao’.
El vienres, 6 de xineru, cúmplense 30 años del primer ensayu de Dixebra, que tuvo llugar nuna cochera de Castañeda, nel conceyu de Corvera. Nestes trés décades esta formación pasó de tener cuatro a nueve componentes y a convertise na banda referente del rock en llingua asturiana, con ún de los direutos más potentes del país y miles de siguidores dientro y fuera d’Asturies.
Pa esti añu tan especial, Dixebra entama una xira de nome ‘Tour 87-17’ cola que va tocar tanto nel país como n’otros territorios del Estáu y d’Europa. La primer parada va ser el 18 de febreru en Valles, nel llocal de l’Asociación Músico-Cultural Pepe Bocanegra, a la que van siguir otres feches que la banda cuenta con avanzar en feches próximes. D’igual forma, anuncia un conciertu especial, ensin dar detalles concretos, anque será al altor del de Corvera del décimu aniversariu o’l d’Avilés del ventenu, que quedó pa la posteridá con ‘Dixebra n’acción’.
Trés cantares
Dixebra va entrar tamién n’estudiu a lo llargo del añu pa desendolcar el proyeutu ‘Dalgo vieyo, dalgo nuevo, dalgo emprestao’. Ésti va consistir na grabación de trés cantares: ‘Da-yos caña’, qu’abría’l discu debut de la banda, ‘Grie-ska’; ‘Sigue’l tren’, tema nuevu lletra que fala de la so trayeutoria, con personaxes que xuben y baxen a esi tren metafóricu; y una versión de la canción tradicional irlandesa ‘New York girls’ basáu na del grupu Oyster Band.
Otra manera, nel Facebook del grupu lideráu pol cantante Xune Elipe, únicu miembru de la formación orixinal que sigue activu, van dir xubiéndose artículos, semeyes, reportaxes, materiales y anéudotes de los 30 años de la banda a lo llargo de tol 2017.
Fonte: Asturies.com
Casi toos, o toos as o manera, traten d'asonsañar les formes y el faer de Jorge y los sos Illegales pero nun se-yos averen nin de chancia; glayar sí que glayen abondo pero namás.
ResponderEliminarSí que glayen abondosamente pero a la mayoría de grupos y/o cantantes no entiéndese-yos nada'l mensaxe que quieren tresmitir esto ye lo que dicen
ResponderEliminarYe pa Viri. Unu de los que más glayen al cantar ye Xune Elipe al qu'en plena actuación ye prácticamente imposible entender lo que diz lo que ye una pena, y amás tien qu'acabar los conciertos afónicu.
ResponderEliminarDe Dixebra.
ResponderEliminarSí, ye asina.
ResponderEliminar