El candidatu d'Unidad Popular a la presidencia del Estáu comprometióse cola oficialidá de asturianu. Foi nun alcuentru cola mocedá asturiano celebráu esti sábadu n'Uviéu.
Acompañau por Manuel González Orviz, el cabezaleru de la llista d'Unidad Popular n'Asturies, plataforma na que participa Izquierda Xunida (IX) y Izquierda Asturiana (IAS), Alberto Garzón respondió entrugues de los presentes sobre economía, feminismu, ecoloxía o la organización del Estáu, ente otros asuntos. Víctor Suárez, coordinador de la estaya Faciendo País d'IX, preguntó al candidatu "¿cómo dende Unidad Popular se va tratar la diversidá llingüística del Estáu y tamién la nacional?.
La rempuesta de Garzón foi una defensa d'un Estáu federal "consciente de les realidaes nacionales qu'esisten nel nuesu Estáu, que tien que ser respetuosu con elles y al empar promoveles, por eso vamos siguir calteniendo la reivindicación de la oficialidá del asturianu". "El pueblu asturianu tien el drechu a tener como llingua oficial l'asturianu pa poder tresmitir a toles xeneraciones non sólo yá una llingua, sinón una cultura y una forma d'entender la sociedá", añadió.
Tres la intervención, los presentes glayaron el yá clásicu 'Yá, yá, yá, oficialidá'.
Fonte: Asturies.com
Albertito, guapu, ¿tamién quies faer con Asturies lo que fixisti con Izquierda Xunida, esto ye borrar del mapa? meyor escaeznos rapazu.
ResponderEliminar¡Ai Garzonín, Garzonete! yá nun yes amigu de Llamazarín, Llamazarete, anque los dos abogéis pol asturianu (solo nos mítines)
ResponderEliminarSolo nos mítines, Richi,pa captar el votu fácil. Depués escaécense del asturianu y de too lo que nun sía escañu, sillón, o sueldu vitaliciu, anque haya que tragar sapos y culiebres y obedecer al PSOE.
ResponderEliminarDempués de la patada nel culu que te dio Pablito Podemos agora vuelves a les andaes del votu distrayíu asturianu? se te adelantró Gaspar que yá lo tien mediu amarráu.
ResponderEliminarSi fuera verdá lo que paez que prometen al respective de la llingua asturiana, habría qu'esquizar la ufiertar, pero'l problema ye que yá sabemos y tenemos la esperiencia de cómo respuenden a la llarga... y a la curtia.
ResponderEliminarVaya una tropa... dan pena.
ResponderEliminarAlbertito un neño guapu destructor de IXunía.
ResponderEliminarUnos faen coses, otros constrúin y apurren, dellos perfecionan, pero dalgún allumáu tou destruyir y romper nun momentu. Seguro qu'asina tán les coses meyor qu'antes: rotes.
ResponderEliminarVa ser que sí, meyor roto.
ResponderEliminarEnte Garzón, Tania, Llamazares, etc... han destruído Izquierda Xunida y agora vamos contemplar como sume del arcu parlamentariu, ¿ye meyor asina? cómo se ri agora Pablito coletes de too esti asuntu que favoreció con ésitu pero con tanta malicia.
ResponderEliminarSí, ríese con ganes... ¡pena!
ResponderEliminarRíense con bien de ganes dempués de frayar IXunía.
ResponderEliminar