“L’asturianu desapaez col proyeutu de reforma educativa”
“En dos meses va definise la situación pa los 20 años próximos y con esti proyeutu de reforma educativa, l’asturianu desapaez”. Faustino Zapico, de SUATEA, alerta de l’ausencia d’espaciu pa la materia na LOMCE pola falta d’oficialidá.
“Col segundu borrador de la Llei Orgánica pa la Meyora de la Calidá Educativa (LOMCE) –espublizáu’l 3 d’avientu, con añadíos el 4 d’esi mesmu mes– l’asturianu nun tien güecu nel sistema educativu”, afirma Zapico, que considera que’l mayor grau de responsabilidá por esta situación ta n’Asturies, non en Madrid. “La llei, no que respeuta a les llingues cooficiales, ye coherente nel sentíu de que va pel llibru; lo marcianu ye lo qu’asocede col asturianu”, asegura’l miembru de la secretaría del Sindicatu Unitariu y Autónomu de Trabayadores de la Enseñanza d’Asturies (SUATEA). Pese a contar con reconocimientu xurídicu y implantación curricular, tanto la llingua asturiana como’l gallego-asturiano nun atopen sitiu na nomada ‘Llei Wert’ tal como ta redautada anguaño por nun ser oficiales, como bien esplica Zapico nun artículu espublizáu nel so blogue ‘L’arcu de texu’.
Dende’l sindicatu, mui críticu col proyeutu del ministru d’Educación, Cultura y Deporte pol ataque qu’ésti supón pa la escuela pública, recuerden que la desapaición de la materia de Llingua Asturiana y de Gallego-asturiano conlleva’l desaniciu de 229 puestos de trabayu en Primaria y Secundaria, emplegos na so mayor parte precarios. “Ente’l 75 y el 80 por cientu d’estos maestros tán a media xornada, y el 95 por cientu d’ellos son interinos”, añade Zapico.
L’ausencia del asturianu nel sistema educativu tres 30 años d’un avance sele llevaría a que los estudios universitarios reglaos esistentes anguaño “nun tendríen sentíu”, considera’l docente, que ve la oficialidá como la solución más afayadiza pal problema, dalgo que refuga dafechu’l Gobiernu del país, como confirmó recién la conseyera d’Educación, Cultura y Deporte, Ana González. “Llueu taría una alternativa posibilista: que la Llei incorporara una referencia específica p’aquelles llingües non cooficiales”, esto ye, la propuesta fecha pola Academia de la Llingua Asturiana’l mes pasáu. El casu ye que’l tiempu cuerre a la escontra y les soluciones pal asturianu nun acaben de llegar.
Conceyu informativu, el martes. Esti martes va celebrase n’Uviéu un conceyu de maestros de Llingua Asturiana y Gallego-asturiano cola fin de tratar la situación na que s’atopa la materia col borrador actual de la LOMCE, asina como pa preparar aiciones y movilizaciones pa les selmanes próximes. La cita va ser a les 18 hores, nel IES Aramo, mesmu llugar y hora nel que SUATEA tien convocada’l xueves otra asamblea informativa, nesti casu destinada a los profesores interinos.
Fonte: Asturies.com
Toos sabemos ónde ta la madre del conflictu tan grave (agora más que nunca) que se plantega y cuál y'el nuedu gordianu qu'hai que desfaer o meyor entá cortar, que nun ye otru que la reconocencia oficial del asturianu esto ye, la oficialidá de la llingua.
ResponderEliminarPero eso ta en manos de los políticos asturianos y si nun noten una bona presión a favor de la oficialidá per parte del pueblu nun van faer nada, esto ye van (vamos) siguir como hasta agora. Consecuencia: la desapaición progresiva, o rápida, del asturianu. ¿Ye esto lo que queremos? Ta bien acertáu Faustino Zapico.
Non, naide querer eso pero la verdá más bultable ye que naide se mueve nin se moviliza, hasta agora a lo menos, d'una manera que nun sea académica, artística o lliteraria que ta perbién, pero agora mesmu precísase daqué más qu'eso nel ambiente asturianu y na cai.
ResponderEliminarTamos bien apexaos, el dasatrancador que nos desapexe bon desatrancador va ser.
ResponderEliminarPa mi opinion ya ta bien que algunos partios politicos psoe y foro tengan como estratexa echar balones fuera.Aunque la llei wert sea mala que lo ye muncho el problema del asturianu ta n asturies que tan faciendo estos partios nos conceyos onde gobiernan, onde tan los asturianistas de pro que puxaron por foro y que agora posan en todos sus actos con la bandea rojigualda al llao de los otros psoe ya nin falar.
ResponderEliminarUn bon desatrancador va ser quien sía capaz de movilizar a la xente a reclamar la oficialidá d'una manera "activo y eficiente" la oficialidá porque'l nueso gobiernín asturianu -esa permala y nociva casta- va siguir bien sele y güeyando pa otru llau mientres les coses de la llingua sigan "ensin problemes, seles, nel so sitiu,y bien aparcaes" inclusive dándo-yos un ciertu prestíu políticu-académicu-cultural de puertes autonómiques fuera, pepro tou quietu y ensin oficialidá.
ResponderEliminarDesengañáivos: nun vais ver la oficialidá en vida vuestra. La cuestión ye más bien si podemos salvar los muebles de la llingua o si non.
ResponderEliminarOtra manera, si dexa d'haber la clas de bable tampoco nun perdemos tanto ¿non? Hasta agora, polo menos, yo nun veo que valiera pa nada.
La escolarización ye una ferramienta imprescindible pa la conocencia de la llingua per parte de les nueves xeneraciones d'escolinos. Lo que-y falta ye que seya continuada en toles etapes educatives y más integral, non namái una aisgnatura.
ResponderEliminarTotalmente d'alcuerdu porque ye una ferramienta imprecindible agora mesmo pal presente y pa dempués pal futuru, ciertu. Pero tamién lu ye percima de too y l'interés y la movilización de la xente y si esto non asocede ye que la xente asturiano pasa de la llingua y nun-y interesa de verdá, solo de picu. Entós sí que vamos de culu. Carlos.
ResponderEliminary ensin frenos.
ResponderEliminarTorno a dir que és imprescindible plantejar una estratègia concreta, que desemboqui en l'oficialitat de la llengua, amb accions, terminis i avaluacions que determinin l'èxit de cada pas.
ResponderEliminarParlar, exigir i escriure comentaris a Internet està bé però no "alimenta".
Bien ciertu, pasu a pasu bien programáu y bien evaluáu con acciones perbién gradiaes nel tiempu y trabayaes con cabeza y tesón.
ResponderEliminar...y con munches y perbones manifes cargaes de la fuerzade la xente asturiano na cai porque ye l'único estremo que güeyan bien los de la "casta de los privilexiaos de la llarga man"
ResponderEliminary del llargu bolsu o bolsón, per exemplu ver casu ex-Conseyeru d'Educación y perllistos adláteres a la conseyería.
ResponderEliminar¿Quies dicir qu'el casu Riopedre & cía son perllistos o perlladrones? ¿a la fin vamos llegar a ver la man (dura) de la xusticia nesti casu? ¿o va quedar tamién n'agua de borrajas?
ResponderEliminar