El miércoles día 2 de xineru publicóse nel Boletín Oficial del Principáu d'Asturies (BOPA) la convocatoria del "Premiu al Meyor Cantar" en llingua asturiana o gallego-asturianu, un galardón qu'algama nel presente añu 2013 la so sétima edición. El Gobiernu d'Asturies instituyó esti Premiu nel añu 2007 col oxetivu de consolidar, arriquecer y prestixar la creación musical asturiana. A esta convocatoria van poder presentase los músicos, a títulu individual o dientro de grupos, que comercializaran dalgún cantar orixinal de cualesquier xéneru demientres l'añu 2012, quedando escluyíes les pieces tradicionales yá esistentes, les versiones o adaptaciones d'obres de creación publicaes orixinalmente n'otra llingua, y les canciones que nun fueran editaes y grabaes la primer vez nel periodu referíu.
Hasta'l día 19 de xineru ta abiertu'l plazu pa que los interpretes o grupos interesaos soliciten la so participación, indicando'l cantar qu'escueyen pa concurrir al premiu. Un xuráu formáu por espertos en música y llingua asturiana escoyerá d'ente los presentaos a los finalistes, qu'actuarán en directo na Gala d'Entrega del Premiu, en fecha aproximada al día 21 de febreru (Día de la Llingua Materna).
El grupu o intérprete ganador na presente edición representará internacionalmente a Asturies nel Festival de la Canción en Llingues Minoritaries (Liet International), organizáu col apoyu del Conseyu d'Europa.
Más información: Bases completes.
Fonte: Asturnews.
Tien qu'haber munches solicitúes pos ye una ufierta bien interesante.
ResponderEliminarLiet International va p'alante y lal so representación n'Asturies ye perimportante.
ResponderEliminarYe una convocatoria de prestixiu pap tolos asturianos y tamién d'importancia internacional, va haber munches solicitúes como ye lóxicu.
ResponderEliminarBon festival y tamien bones intenciones esperemos que la rtpa siga retrasmitiendolo pa
ResponderEliminarpoder siguir promocionando les llingües minoritaries.
Nestos momentos van munches solicitudes.
ResponderEliminar