17/3/12

N’Ast protesta pola retirada del sofitu a la edición n'asturianu en Xixón



La organización N’ast manifestó’l so descontentu énte la esapaición de la política de promoción editorial del Ayuntamientu de Xixón y recuerden que’l sofitu económicu del gobiernu municipal a la edición cultural “pasó d’implicar más dos millones d’euros ente los años 2010 y 2011 a nun acutar nin un euru nel presupuestu municipal d’anguaño, precisamente nunos momentos especialmente difíciles pal sector editorial asturianu”.

N’ast espresa que “nun ye lo mesmo reducir un presupuestu por mor de la crisis económica, qu’anulalu dafechu” y piden que “polo menos se caltenga’l sofitu pa la edición en llingua asturiana”.

Dende N’Ast entienden que “les circunstancies nun permiten caltener los anteriores niveles d’inversión”, pero califiquen esta decisión “non solamente un dañu al espardimientu de la cultura sinón tamién a la mesma economía asturiana”.

Por ello, N’Ast solicita que “como mínimu” se caltenga’l sofitu pa la edición en llingua asturiana, “dao la conocida situación d’amenorgamientu que carez la nuesa llingua nacional por mor de la falta de respetu a los drechos democráticos de los asturianos en materia llingüística”, rematen.

Fonte: Asturnews

4 comentarios:

  1. Haber si faen lo mesmo colos gastos superfluos y que solo beneficien a una minoría como son los pincheos , subvenciones pa les elecciones , propaganda variada con sus supuestos llogros, material policial, en igrafos, la ilesia y de xacíu que tamién en los sos sueldos siguiendo l'exemplu de ana botella que hasta fae bien poco eran collacios y que vayan voluntarios.

    ResponderEliminar
  2. Agora nun hay perres pa nada ¡esquilmáronles la banda'l tortielles!

    ResponderEliminar
  3. y los sos adláteres de I.X. qu'agora van de salvadores d'asturies.

    ResponderEliminar
  4. ...y de la llingua que non ficieron oficial enantes que taben nel gobiernu d'Asturies con Areces.

    ResponderEliminar

Los comentarios tán pendientes de moderación. Espublizaránse lo primero dable.