La Sala de lo Contencioso Alministrativu del Tribunal Superior de Xusticia d'Asturies, falló a favor de la demanda escontra la resolución de la Conseyería d'Educación, pola que s'establecía un númberu mínimu d’alumnos pa cursar llingua asturiana.
El Tribunal estima'l recursu interpuestu por CC.OO y "declara nulu y ensin efeutos por ser contraria a Drechu, l'artículu 5.1 de la mesma, qu'establecía un númberu mínimu d'ocho alumnos pa formar un grupu na asignatura de Llingua Asturiana na Educación Secundaria".
Según informó CC.OO, trátase d'una "reclamación hestórica" pa garantizar el drechu a cursar l'asignatura de forma voluntaria, ensin depender del númberu d'alumnáu que lo solicite.
La Sala entiende que l'Alministración, al establecer un númberu mínimu pa formar un grupu, desvincúlase de la obligación que-y impón la Llei 1/1998 d'usu y promoción del bable-asturianu, de garantizar la so enseñanza en tolos niveles y graos, con independencia del númberu d'alumnos qu'opten.
La sentencia tamién dexa claro que, nesti casu, por doctrina del Tribunal Supremu, nun pue desoyese'l mandatu llegal del artículu 10.1 de la Llei 1/1998 con base a razones presupuestaries, dao que l'Alministración debería motivala y xustificala´.
Primer demanda sobre l'asturianu estimada
CC.OO. aplaude esta sentencia y diz que ye "la primer" na que los tribunales estimen una demanda sobre la Llingua asturiana. "Poro, constitúise en tou un referente nel camín hacia la normalización llingüística y nel respetu a la nuesa cultura", afitaron.
Asina, el sindicatu desixe cumplimientu "inmediatu" de la sentencia. "En toos aquellos institutos qu'haiga alumnáu deriváu a otres materies por nun cumplir col requisitu del númberu mínimu d'alumnos, tien que garantizase l’enseñu del bable asturianu dientro del drechu fundamental de los padres a escoyer el so enseñu, como componente del drechu fundamental a la educación, n'execución de sentencia", manifestaron.
Asina, el sindicatu desixe cumplimientu "inmediatu" de la sentencia. "En toos aquellos institutos qu'haiga alumnáu deriváu a otres materies por nun cumplir col requisitu del númberu mínimu d'alumnos, tien que garantizase l’enseñu del bable asturianu dientro del drechu fundamental de los padres a escoyer el so enseñu, como componente del drechu fundamental a la educación, n'execución de sentencia", manifestaron.
Fonte: Asturies.com
Esti ye otru pasu perimportante. Pallantre ensin desmayu, collacios.
ResponderEliminarUn pilancu menos na escolarización del nuesu idioma milenariu.
ResponderEliminarPaezme una noticia bien bona ehí que fae-yos entender poles bones o poles males que la Llingua asturiana merez un respetu y que nun ye un productu que pueda remanase según intereses polticos o económicos.
ResponderEliminarAsturianu llingua oficial yá!
Depués del Autu del mes de febreru del TC na que se reconocía la constitucionalidá del artículu 4.2 de la Llei 1/1998 y el drechu de los ciudadanos a empobináse a l'Alministración del Principado n'asturianu esta ye otra perbona notícia pa los drechos llingüísticos de los asturianos.Paez que queden lloñe la sentencia del TSX refugando la tesi doctoral de F.Zapico por tar n'asturianu o les impugnaciones de oficialidá del Delegáu del Gobiernu a un garrapiellu conceyos y ratificaes depués pol TSX.
ResponderEliminarNamái hai una noticia bona, Oficialida. El restu, migayes.
ResponderEliminarBlogsaludos
sí, pero demientres nun haiga oficialidá, ye lo que tenemos,poco pero dalgo ¿o la oficialidá ta garantizada 100% pa la prósima llexislatura?.
ResponderEliminarToos tenéis razón dabondo nes vueses manifestaciones, pero alcordaivos agora y nun futuru cercanu (nes votaciones/elleiciones) que co'l socialismu nel poder enxamás disfrutaremos de la oficialidá de la llingua asturiana.
ResponderEliminar