8/5/09

XXX Día de les Lletres Asturianes


El conocíu gaiteru José Ángel Hevia va ser nuevu académicu d'honor de l'Academia de la Llingua Asturiana. El nomamientu va tener llugar nel tradicional actu institucional que l'ALLA entama tolos años nel Teatru Campoamor d'Uviéu con motivu del Día de les Lletres Asturianes, qu’esti añu cumple tres décades.

L'actu académicu, que va entamar a les 20:30 hores cola actuación del gaiteru Yago Bugallo. Darréu d'ello va desendolcase la Xunta Estraordinaria que va nomar al músicu asturianu como académicu, tres lo cualo va tener llugar el tradicional discursu institucional de la Presidenta de l'ALLA, Ana Cano.

L'actu va pesllase cola llectura d’una esbilla de poemes del primer númberu de la revista Lletres Lliterariu y l'actuación de "Xuacu Amieva Folk".

1 comentario:

  1. Perguapu l'actu de l'Academia. Les pallabres de Hevia tuvieron mui afayadices alrodiu'l pruyimientu d'una xuntanza pa esixir la oficilidá del asturianu y que nun mos den migayines como a les pites...El grupu de Xuacu Amieva, fenomenal. Y la presidenta d'ALLA apurrió bones noticies pal espardimientu de la llingua, qu'asperamos amosar nesti blog.
    Pa quien nun fuera, repitióse na TPA ayeri a les 12 la nueche, nun sé si tornen a repetirlo.

    ResponderEliminar

Los comentarios tán pendientes de moderación. Espublizaránse lo primero dable.