4/7/17

Nueu intentu de galleguización de los asturfalantes del ocidente

L’usu de la denomación “gallego-asturiano” pa referise a la fala aumenta la confusión a la hora de frenar les continues inxerencias de l’Academia Galega
Víctor Freixanes, nuevu presidente de la Real Academia Galega
Llucía F. Marqués
“L’asturianu tien de ser oficial n’Asturies y el gallego tamién nel Ocidente d’Asturies» Esti ye’l caberu ataque procedente del recién escoyíu presidente de la Real Academia Galega, l’escritor Xosé Luís Méndez Ferrín.
Dende hai décades la vecina Galicia vien prauticado una política d’invasión llingüística continua, facilitada pola falta de reación por parte de les autoridaes na materia asturianes, quienes non solo nun actúen con decisión sinón que yos lo ponen más fácil al camudar el tradicional nome de “la fala”, col que se conoz a la variante más ocidental del asturianu, pol más confusu y menos correchu de “gallegu asturianu”.
Afortunadamente nesta ocasión la reclamación d’oficialidá pal gallegu na fastera eonaviega fizo reacionar a representantes políticos, escritores y filólogos asturianos, que remembraron al académicu que la so petición nun tien  dala llegitimidá.
Ana Cano, espresidenta de l’Academia de la Llingua Asturiana salió al pasu de les declaraciones de Ferrín remembrando-y que les competencies en política llingüística son del Gobiernu asturianu: «L’Academia enxamás renunciará a la asturianidá de tolos conceyos d’Asturies y ta en contra de que se intente galleguizar l’Ocidente». Pa la presidenta de l’Academia, «la única mena de frenar estes inxerencies ye la oficialidá d’ambes llingües»
N’Andecha Astur son contundentes: “Dende’l mesmu istante en que francieron la xunidá llingüística asturiana, discriminando a los falantes de la fala l’ocidente col inventu’l gallegu asturianu abrieron de par en par les puertes a la galleguización. Acúsenmos de querer asturianizar Asturies, pero esti nun ye sinón l’enésimu ataque.” declaró Lola Suárez, responsable de la estaya de llingua.
Dende Izquierda Unida prefieren atacar a Ferrín en so tarrén, afalándolu a «iguar los problemes del gallegu dientro les sos llendes oficiales», y añaden que «de continuar la política de Lola Suárez tendrá problemes más graves de los que ocupase que del Ocidente d’Asturies».
Finalmente, Consuelo Vega, de la Oficina de política Lligüística precisa que «ye una manifestación cultural y lingüística asturiana nel sen históricu y social del términu», n’alusión a la crítica de Ferrín que denunció la intención de «asturianizar el gallegu d’Asturies».                                                                                  Fonte: infoasturies.com

10 comentarios:

  1. La fastera d'occidente ta otra vegada asaltá pola Academia Gallega, otru conatu de galleguización, y van tropecientos noventa y nueve. Confunden Galiciai con Asturies. Comen cola vista y tienen malísimes actitúes. Son primos aviesos.

    ResponderEliminar
  2. Esti presidente Víctor Freixanes aporta con visos colonizadores, ye peligrosu.

    ResponderEliminar
  3. Cuidáu, l'ALLA, que esti paisanu tien una güeyada y unes estratexies rares...

    ResponderEliminar
  4. Ánimu l'ALLA, con nueves estratexies llegales a por esa xente tan descaráu.

    ResponderEliminar
  5. Yá tamos otra vegada. Nun ven que acabóse fae muncho el tiempu históricu de les colonies.

    ResponderEliminar
  6. Freixanes, saláu,simpáticu, usa l'intelectu y el respetu al asturianu y a Asturies.

    ResponderEliminar
  7. El remediu: asturianizar la fastera gallega, y a lo meyor aprenden.

    ResponderEliminar
  8. Vaya pinta tien el fulanu,cómo van ser el restu de galleguistes.

    ResponderEliminar
  9. Sí que tien una pinta un tantu sospechosa ya bien intrigante, sí.

    ResponderEliminar

Los comentarios tán pendientes de moderación. Espublizaránse lo primero dable.