La serie, basada na riestra de noveles Canciu de xelu y fuéu, del escritor estauxunidense George R. R. Martin, algamó un bon númberu de premios (más de 200 importantes) y nominaciones. Nel so palmarés cuenta con un Globu d’Oru y 38 premios Emmy, convirtiéndola na serie más premiada na hestoria de los Emmy. La sétima temporada estrenóse’l el 16 de xunetu y cuntará con siete capítulos.
El fechu de poder esfrutar d’esta y otres series n’asturianu ye un encontu nel procesu de normalización llingüística. Nesi sen ye destacable’l llabor de la Cooperativa El Ñeru, que lleva tiempu sotitulando n’asturiano los episodios de dalgunes de les series de mayor audiencia: de la so man podemos alcontrar los capítulos de la sesta temporada de Xuegu de Tronos y dellos capítulos de la popular serie irlando-canadiense “Vikings, the Reckoning”.
El mediu qu`utilicen pa facer esta sotitulación ye a traviés de la ueb opensubtitles.org, onde podemos alcontrar tolos sos trabayos, esbillando la opción “llingua asturiana” como llingua de los mesmos. Fonte: infoasturies.com
No hay comentarios:
Publicar un comentario
Los comentarios tán pendientes de moderación. Espublizaránse lo primero dable.