El Sol Celta presenta la so edición más ambiciosa

Sol Celta

La zona d’Avilés asitiada ente la cai del Sol y les places Alfonso VI y Carlos Lobo conforma l’epicentru del VI Sol Celta. Esti festival, qu’empieza esti llunes, consolídase añu a añu y, nesta ocasión, presenta la so edición más ambiciosa con conciertos, teatru y un mercáu.

A les 18 hores d’esta tarde va comenzar l’actividá del Mercáu Sol Celta, que va abrir hasta’l domingu, fecha na que fina’l certame, a les 11 hores. A les 19.15 hores va animar el llugar Tonígrafo y La Caracola, que va repetir hasta’l vienres siempre a les 19 hores, pa siguir con una preba de la cerveza ‘Pagana’ na cai Sol (19.30 hores) y teatru nos balcones (20 hores).

L’actividá musical, la más completa del Sol Celta, con más de 25 formaciones previstes nestos siete díes de festival, va comenzar a les 21 hores con Les Pandereteres, pa siguir con Luis y Los Folgazanes (21.30 hores) y L-R (22.45 hores). Mañana, mentes, ye’l turnu de Sota, Caballo, Rey Experience (21 hores), Salón Bombé (22 hores) y les gallegues Pandereteiras sen Frontreiros (23 hores), única actuación d’un grupu non asturianu nesta edición del certame xunto cola de los madrilanos La Araña Calva.

Completen el programa musical: Les Barbares Barbus, La Nueve y Tuenda, el miércoles; Les Pandereteres, L’Aldu y Dixebra, el xueves; Dubia Folk, La Araña Calva y La Tarrancha, el vienres; The Waltins, Xéliba y El Koku la Manzada, el sábadu; y Caldo os Rabizos, el domingu.                                                                                                     Fonte: asturies.com

Adxuntu	Tamañu
Programa VI Sol Celta	191.85 KB