Adolfo Camilo Díaz gana’l Premiu "Montesín" de Lliteratura Xuvenil 2010 que convoca Ediciones Trabe en collaboración cola Conseyería de Cultura.
El xuráu, formáu por M.ª Antonia Pedregal Montes, M.ª Xosé Rodríguez López y Severino Antuña González, baxo la presidencia d’Esther Prieto Alonso y actuando como secretariu Inaciu Iglesias Fernández, decidió conceder por unanimidá’l premiu a la obra titulada Memorial del mostru. N’abriendo la plica, l’autor resultó ser el prolíficu escritor ayerán afincáu n’Avilés.
De la obra, el xuráu destacó la estructura narrativa bien tramada, amás del perfondu conocimientu de l’Asturies del sieglu XVIII na que se desenrolla. Con téunica mui cinematográfica, la narración va esgranando la llucha ente ciencia y superstición que se dio nel Sieglu de les Lluces, una centuria bien apasionante y poco lliteraturizada na hestoria d’Asturies.
Fonte: Infoasturies
El fomento de la lliteratura y la poesía xuvenil ye'l pasu obligao pal crecimientu de la cultura asturiana tanto n'asturianu como en castellán. La xente mozo tá necesitá delles facilidaes pa publicar por razones obvies y tien que facilitase el so desendolcu n'esta difícil llabor.
ResponderEliminar...y el Premiu Montesín de Lliteratura Xuvenil ye un exemplu a seguir del bon facer llingüísticu.
ResponderEliminar