L'asociación cultural Cauce entamó esti vienres 12 de payares la presentación del tercer númberu d'Erada. Revista d'Historia Contemporanea editada por Suburbia. L'actu cellebróse na Casa de Cultura de La Felguera a les ocho la tarde y nelli intervinieron los hestoriadores Rafael R. Valdés (direutor), Silvia Cosío, Rubén Vega y Alberto Morán (Cauce).
Nesti tercer númberu collaboren con artículos: Faustino Zapico con "La campaña autonomista de 1897", Cristóbal Ruitiña con "La reaparición d’Asturies nos entamos d’opinión pública democrática nel tardofranquismu. La salida d’Asturias Semanal, 1969", Armando Magadán con "El Partíu asturianista, Asturianismu ya interclasismu como estratexa" .
Na estaya de Notes Patrick Zimmerman asoleya "Reflexones sobre nacionalismu y historia viva: Nota d’un proyectu sobre la historia d’un nacionalismu frustráu". Tocántenes a les reseñes d'obres hestóriques, nesti númberu Adolfo Cueto faila de "Crónica de la Guerra de Marruecos" , Antonio Martínez de "Ni cautivos ni desarmados. Asturianos refugiados en Cataluña (1937-1939), Valentín Álvarez de "La Maginot cantábrica" y Silvia Medina Quintana de "Enriqueta González Rubín: el sinciu d’una escritora del XIX".
Fonte: Infoasturies
L'otru día(5 payares 2010) presentóse tamién nel Club La Nueva Engaña la revista ayerana SESTAFERIA AYERANA.
ResponderEliminarPor dexadez o por falta de tiempu inda nun pude lleer esta revista que lleva pocos númberos pero paez que puede tar perbién esperemos que tenga continuidá y pueda ser otru referente sociopolítico asturianista.
ResponderEliminarSon noticies interesantes que remociquen, allegren y dan vitalidá, pasos daos pro camín de la reconocencia de l'asturianu como llingua oficial n'Asturies.
ResponderEliminar