L’asturianu algama representación nel claustru de la Universidá.
El xueves 4 de payares la Universidá d’Uviéu vivió les elleiciones al Claustru, máximu muérganu de representación de la Universidá. Con un 88% d’abstención, hebo bonos resultaos pa candidatures comprometíes cola llingua asturiana.
El xueves 4 de payares la Universidá d’Uviéu vivió les elleiciones al Claustru, máximu muérganu de representación de la Universidá. Con un 88% d’abstención, hebo bonos resultaos pa candidatures comprometíes cola llingua asturiana.
Les furnies elleutorales tuvieron abiertes en tolos centros de la Universidá d’Uviéu por mor de les elleiciones al Claustru, el muérganu universitariu de decisión más importante. Nél ta presente’l reutor, Vicente Gotor, y un total de trescientos miembros escoyíos por tola comunidá universitariu.
22.050 yera’l númberu total d’estudiantes que podíen votar pa escoyer a 72 representantes d’estudiantes nel claustru; sicasí, namás que fueron a les urnes 2.426 alumnos, lo que da como resultáu un 88% d’abstención ente los estudiantes.
L’escrutiniu da la victoria elleutoral a la Unión De Estudiantes (UDE), con 37 representantes. “Centrase n’aquello qu’interesa al cuerpu estudiantil, como l’aplicación efeutiva de Boloña”, ye ún de los oxetivos d’UDE, según indicaron miembros d’esti coleutivu en nota de prensa.
La llingua asturiana nes llistes
Ente’l total de candidatures, destaquen pol compromisu de da-y puxu a la llingua y cultura asturiana na universidá la de la Xunta d’Estudiantes Pol Asturianu (XEPA) y les impulsaes pol Movimientu Estudiantil Críticu y Asambleariu (MECA).
La candidatura de XEPA, encabezada por Llorián García y que se presentó namás qu’a la Facultá de Filoloxía y Lletres, nun foi a algamar representación. Sicasí, les impulsaes por MECA ficiéronse con un total de 16 claustrales, lo que convierte a esi movimientu estudiantil na segunda fuercia de la Universidá d’Uviéu.
La candidatura de XEPA, encabezada por Llorián García y que se presentó namás qu’a la Facultá de Filoloxía y Lletres, nun foi a algamar representación. Sicasí, les impulsaes por MECA ficiéronse con un total de 16 claustrales, lo que convierte a esi movimientu estudiantil na segunda fuercia de la Universidá d’Uviéu.
“Ente otres reivindicaciones taba’l da-y un pesu importante al asturianu na Universidá, fomentar la cultura asturiana y l’usu normal de la llingua dientro de les instituciones de la Universidá”, señala a ASTURIES.COM Sergio Naves, ún de los miembros de MECA escoyíu como representante na Facultá de Drechu.
Fonte: Asturies.com
Otra vegada la participación -un 12%- paez de chiste o de broma, ye un fracasu manifiestu y total... de quién, de quiénes? de tol mundiu universitariu, non ye representativu de na, nun val, nun representen a naide. Ye que los estudiantes pasen? ye que nun interesan les elleiciones o nun sierven pa resolver problemes? ye que non tán motivaos? ye una pantomima ensín sentíu? ...¿qué pasa na nuesa universidá que nun participen los más interesaos o seya los protas de la película? ganen aquellos pocos que se presenten ensín oposición; algo nun marcha otra vegada -van munches- na institución y xeneraciones de xentes pensantes del futuro próximu.
ResponderEliminarTies razón Sole no tien representativá denguna, ¿ye una pantomima? por parte de quienes? a quienes yos interesa que la situación siga ansina años y años? ...ye un cuentu chinu, perdón, asturián desastrosu.
ResponderEliminar