8/12/09

El llibru dixital na Azoka de Durango


Na 44 edición de la Feria del Llibru y de la Música de Durango, la novedá ye la presentación del llibru dixital. Jorge Jiménez, presidente de l’Asociación d’Editores Vascos y editor d'Alberdania; Enric Faura, responsable del portal edi.cat; ya Ignacio Latasa, direutor de Leer-e, empresa distribuidora del llector llectrónicu, despliquen como’l llibru dixital aspira a tornase en daqué imprescindible.

Pesia que ye "un mercáu que tovía nun ta esplotáu" y qu’entá falta tiempu pa consolidalu, el llibru lletrónicu va suponer una revolución nel mundiu editorial. Ye una oportunidá pa les llingües minoritaries porque dan mayor visibilidá y permite divulgación a menor preciu. Latasa afita que nun ye una amenaza pa los llibros de papel y nun va suponer la desapaición del "formatu tradicional".

Per otra parte, encamienta averase al stand del azoka pa informase, y afita que polo xeneral, el llibru dixital ta teniendo mui bona aceutación.
Hay dellos stands informativos y anque tamién se distribúin títulos, la funcion de los puestos ye informar a los ciudadanos sobre esta nueva forma de llectura ya invitar a mercar un llibru anque nun se tenga’l llector, yá que se pue lleer nel ordenador.

Fonte: EiTB

1 comentario:

  1. Enxamás podrá ser lo mesmu el llibru dixital qu'el llibru tal con la so testura, la so perguapa presentación, la so facilidá de lleutura, y el so golorín propiu. Pero hay de dir a les nueves teunoloxíes y adaptase, nun hay más remediu. Lo práuticu ye lo práuticu y a más perecolóxicu.

    ResponderEliminar

Los comentarios tán pendientes de moderación. Espublizaránse lo primero dable.