Les aventures d'ún de los magos más conocíos de la lliteratura universal yá pue lleese n'asturianu. La torna ye obra de Xesús González Rato y la so espublización correspuénde-y a Trabe, editorial que, de magar la presentación d'esti primer títulu "Harry Potter y la piedra filosofal" dirá asoleyando'l total de los siete volumes de la famosa serie de la escritora británica J. K. Rowling.
"Harry Potter y la piedra filosofal" ye'l llibru nel que posen les blimes de los seyes restantes, la obra na que se nos presenta a un neñu güérfanu al que-y descubren les sos habilidaes pa la maxa entrando de siguío a formar parte de la escuela de magos más prestixosa: El Colexu Hogwarts.
Esta primer obra, que s'espublizó n'Inglaterra en 1997, ye ún de los llibros más vendíos de la hestoria, perpasando les 110 millones de copies y siendo tornada a 65 llingües de tol mundiu. Esta torna al asturianu completa les ediciones de la obra nes restantes llingües del estáu.
Asina mesmo la Editorial Trabe ufierta la posibilidá a los llectores, pente medies del so blogue, de descargar el primer capítulu del llibru.
Fonte: Asturies.com
la verdá ye que Harry Potter fiede, pero esta torna ye una
ResponderEliminarnoticia perbona pa la normalización de la nuesa llingua.
salú
Ye una de les meyores medíes que podíen facese o llevase a cabu p'aficionar a muncha xente, n'especial a los neños y xóvenes, a la lleutura n'asturianu. Tá perbién y hay que felicitar por la torna a Xesús González Rato y tamién a la editorial Trabe pol eventu ¡pallantre con este tipu d'idegues! cuántes coses podríen facese en pro de la llingua asturiana y collaborase algo el nueso gobiernu rexional ¿cuándo sedrá tal fechu gloriosu?
ResponderEliminarUna cultura normal ha de tenir presència en qualsevol gènere. Enhorabona.
ResponderEliminarCol Harry Potter ya tamos algamando delles estayes na nuesa llingua averaes a delles llingües minoritaries como'l catalán o el gallegu. A ver si van espublizando más "bestsellers" pa neños: Xerónimu Stilton, Kika superbruxa, Nelín el Gafotes,...El futuru ta nos neños, ¡que nun s'escaeza!
ResponderEliminar