Un informe de les Naciones Xuníes afita que turcos, macedonios y xitanos, ente otros pueblos amenorgaos, nun son reconocíos por Atenes, y convida al Estáu helénicu a la proteición de los sos drechos llingüísticos y políticos.
Les Naciones Xuníes denunciaron otra vegada a Grecia la falta de respetu a los drechos colleutivos de les minoríes. Ellaboróse un informe nel que s’afita que Grecia namái reconoz a la minoría relixosa musulmana de Tracia occidental, mentantu ñega la esistencia d’otres identidaes nacionales, llingüístiques o étniques.
Según Le Courrier des Balkans, propónse qu’Atenes afunte haza a la proteición efeutiva "de los drechos al autodetermín, a la llibertá d'espresión y a la llibertá d'asociación" de les minoríes, asina como l'acatamientu de los determinos del Tribunal Européu de los Drechos Humanos. Faise referencia concretamente a les sentencies qu’autoricen la utilización de les pallabres "macedoniu" y "turcu" pa definir a los miembros d'estes comunidaes.
Afita Minority Rights Group qu’en Grecia atópense tamién albaneses, valacos, arvanites, xitanos y pomakos. Grecia nun reconoz oficialmente denguna d'estes minoríes y la única llingua oficial ye’l griegu.
Fai unes selmanes, el Conseyu d'Europa yá criticó al Estáu griegu por "aplicar restricciones a les minories", informa Nationalia.
Les Naciones Xuníes denunciaron otra vegada a Grecia la falta de respetu a los drechos colleutivos de les minoríes. Ellaboróse un informe nel que s’afita que Grecia namái reconoz a la minoría relixosa musulmana de Tracia occidental, mentantu ñega la esistencia d’otres identidaes nacionales, llingüístiques o étniques.
Según Le Courrier des Balkans, propónse qu’Atenes afunte haza a la proteición efeutiva "de los drechos al autodetermín, a la llibertá d'espresión y a la llibertá d'asociación" de les minoríes, asina como l'acatamientu de los determinos del Tribunal Européu de los Drechos Humanos. Faise referencia concretamente a les sentencies qu’autoricen la utilización de les pallabres "macedoniu" y "turcu" pa definir a los miembros d'estes comunidaes.
Afita Minority Rights Group qu’en Grecia atópense tamién albaneses, valacos, arvanites, xitanos y pomakos. Grecia nun reconoz oficialmente denguna d'estes minoríes y la única llingua oficial ye’l griegu.
Fai unes selmanes, el Conseyu d'Europa yá criticó al Estáu griegu por "aplicar restricciones a les minories", informa Nationalia.
Ye que en toes les partes cuecen fabes, ye un problema perdifícil de solucionar, pero hay que seguir trabayando sobre ello sin desmayar. Ánimo Llugás, sigue trabayando el blogue, que tá superbién. Felicidaes...
ResponderEliminarPaez que l'Estau griegu aplica ciertes resticciones a les minoríeis étnico-falantes según el informe de les Naciones Xuníes sobre too escontra los xitanos, macedonios y turcos entre otres llingües un tanto perseguíes o casi, ...o sin el casi, ye una pena que acaben tan marxinaes.
ResponderEliminarEsto ye pa Llugás por si le apetez contestar a una pregunta, si no no pasa na: ¿podríes recomendame más información sobre el estáu de les llingües de los albaneses, valacos, arbanites, xitanes y pomakos? ¿Persigue l'Estáu gruiegu estes Llingües o limítase a inorarles?
ResponderEliminarGrecia ye mui celosa de les sos llendes territoriales y nun quier reconocer a les minoríes que tamién esisten nos países vecinos, como l'albanesa, la macedonia (que tien una república al norte cuyu nome ye motivu de disputa porque los griegos dicen que la hestoria y símbolos de los macedonios son los de Grecia) y la turca (colos que tuvieron munchísimes guerres, incluyida la de la dixebra nacional). Les otres minoríes paezme que ye frutu d'un nacionalismu mal entendíu, que quier que'l país seya xuniforme. Ye l'Estáu más criticáu nesi sen, de los antiguos miembros de la Xunión Europea.
ResponderEliminar