Presentáu'l programa del Arcu Atlánticu

• . Conferencies sobre llingües minoritaries nel Festival Arcu Atlánticu
• . Felpeyu va presentar el so nuevu discu 'Cerquina' nel Arcu Atlánticu

Presentación del Festival Arcu Atlánticu 2017, Ayuntamientu de Xixón

  El Festival Arcu Atlánticu va celebrase del 25 al 30 de xunetu. Les actividaes van desendolcase nel barriu de Cimavilla, El Muelle, Plaza Mayor y el Centru de Cultura Antiguu Institutu.

  Un festival que tien como lema esti añu 'Un mar de llingües', y nel que delles de les llingües minoritaries europees van tener protagonismu.

  Ye de destacar el ciclu de charres sobre l'ocitanu, bretón, mirandes, euskera y asturianu;  y losconciertos diarios na Paza Mayor, L'abanícu complétase con compretu programa d'eventos y talleres lliterarios, musicales, gastronómicos y deportivos nes distintes localizaciones del festival.

  Equí puedes consultar el programa completu.  El Festival Arcu Atlánticu va celebrase del 25 al 30 de xunetu. Les actividaes van desendolcase nel barriu de Cimavilla, El Muelle, Plaza Mayor y el Centru de Cultura Antiguu Institutu.

  Un festival que tien como lema esti añu 'Un mar de llingües', y nel que delles de les llingües minoritaries europees van tener protagonismu.

  Ye de destacar el ciclu de charres sobre l'ocitanu, bretón, mirandes, euskera y asturianu;  y losconciertos diarios na Paza Mayor, L'abanícu complétase con compretu programa d'eventos y talleres lliterarios, musicales, gastronómicos y deportivos nes distintes localizaciones del festival.

  Equí puedes consultar el programa completu.                                                  Fonte: yexixon

Conferencies sobre llingües minoritaries nel Festival Arcu Atlánticu

Festival Arcu Atlánticu 2017, Xixón

Tan programanes del 25 al 29 de xunetu una serie de charres sobre l'ocitanu, bretón, mirandes, euskera y asturianu.

Les llingües minoritaries van ser les protagonistes de la edición d'esti añu del Festival Arcu Atlánticu. Dientro de la so programación vamos tener una serie de conferencies onde dellos espertos van analizar la situación d'eses llingües y el papel que xueguen nel so territoriu y nel bayurosu mapa llingüísticu européu.

Esti ye'l programa de les ponencies que se van presentar:

. Martes 25, 18.45 h: Les llingües como patrimoniu cultural européu, por Juan Carlos Moreno Cabrera, nel salón d'actos del Antiguu Institutu. Juan Carlos Moreno Cabrera ye caderalgu de Llingüística Xeneral na Universidá Autónoma de Madrid. Formó parte del comité científicu del Informe sobre les Llingües del Mundu y del comité científicu deLinguamón-Casa de les llengües. Pertenez a comités asesores y científicos de revistes d’investigación llingüística. Nel añu 2014 llogró’l Premi internacional Ramon Llull.

. Miércoles 26, 18.00 h: Conociendo les llingües atlántiques: ¿Pue una «civilización» salvar
una llingua?, por Rosa María Medina Granda, na Plazoleta de Xovellanos (Cimavilla). Rosa María Medina Granda ye profesora titular de Llingüística románica de la Universidá d’Uviéu y presidenta de L'Associacion Internacionala d'Estudis Occitans. Doctoróse con una tesis sobre «La negación n’occitanu antiguu». Impartió en delles universidaes conferencies y seminarios d’intercomprensión románica sincrónica y sobre cuestiones medievales. La so investigación más reciente céntrase nes trovadores occitanes.

. Xueves 27, 18.00 h: Conociendo les llingües atlántiques: Mirandés, ¿fálase asturianu en Portugal?, por Alcides Meirinhos, na  Plaza de la Corrada (Cimavilla). Alcides Meirinhos (Circuiro, 1961) deprendió mirandés de neñu, nos años d’escuela. En 2008 redescubrió esta llingua, dedicándose dende entós al so estudiu, a la torna d’obres dende’l portugués, a facer copies de manuscritos y a publicar poemes y cuentos na Fuolha Mirandesa.

. Xueves 27, 18.45 h: Conociendo les llingües atlántiques: l’asturianu ente les llingües
del Arcu Atlánticu, por Xandru Martino Ruz, Pablo Rodríguez Medina y Ramón d’Andrés, na  Plaza de la Corrada (Cimavilla). Los conferenciantes van repasar la evolución histórica del asturianu: dende’l vocabulariu propiu de la cultura tradicional hasta los neoloxismos y términos rellacionados coles nueves teunoloxíes de la comunicación, pasando per vocablos téunicos o adautación de cultismos y estranxerismos.

. Vienres 28, 18.00 h: Conociendo les llingües atlántiques: El milagru de la recuperación del eusquera, por Koldo Ulibarri Orueta, na Plaza de la Fábrica Tabacos (Cimavilla). Koldo Ulibarri Orueta, doctor en Filoloxía Vasca. Pon clases na UPV/ EHU. Ta especializáu na edición de documentos ya impresos antiguos y en llingüística histórica. Forma parte del grupu d’investigación Monumenta Linguae Vasconum.

. Sábadu 29, 18.00 h: Conociendo les llingües atlántiques: L’estáu actual de la llingua bretona, por Marie Le Cam, na Plazoleta de Xovellanos (Cimavilla). Maria Le Cam ye una música y gaitera bretona qu’estudió Filoloxía Española y vivió en Galicia y Asturies, onde conoció les sos realidaes llingüístiques. En volviendo a Bretaña, estudió en profundidá la llingua de la so tierra y enseñóla n’escueles d’educación primaria. Anguaño ta emplegada nel Conseil Régional de Bretagne, onde fai trabayos d’escritura, torna y normalización de la llingua bretona.                                                                                            Fonte: yexixon.com

Partíos y oficialidá nel programa eleutoral

Fonte: Iniciativa pol Asturianu

El II Día de la Reciella yá tien programa

El Día la Reciella, aventu qu’organiza l’asociación “Reciella: Families pol asturianu” y que va tener llugar esti domingu 5 d’ochobre nel Muséu del Pueblu d’Asturies, yá tien programa zarráu. Lo mesmo que na primer edición, celebrada nel mes de setiembre del añu pasáu, la programación, qu’entama a les 11 la mañana y rematará a les 7 la tarde cola danza prima, ta enllena d’actividaes de toa triba, simpre col asturianu como idioma vehicular. Asina a partir de les 11.00 la mañana les asociaciones Trebeyos y Esbilla, van empobinar dos espacios con xuegos medievales y tradicionales asturianos respectivamente. Un poco más alantre, a les 12.30 la mañana, ta prevista la exhibición infantil de Bolos organizada en collaboración cola Federación Asturiana, y que tendrá la bolera del Muséu del Pueblu d’Asturies como escenariu. Na mesma van participar neños y neñes federaes de la Peña Morcín, actuales subcampeones infantiles d’Asturies na modalidá de cuatriada. Dempués de la xinta, que podrá realizase nel mesmu recintu al instalase un puestu de comida y bébora, el programa de tarde va entamar cola participación de los promotores de“El cantar del vasu“, iniciativa que tien por oxetu, pente medies del xuegu del vasu, visibilizar la importancia de la tresmisión xeneracional del idioma. Una vuelta ximielgaos los vasos col cantar melgueru que los acompaña, ye tiempu de siguir cola música pente medies del taller d’instrumentos tradicionales dirixíu pol músicu David Varela, qu’entamará a les 17.00 hores de la tarde. Una hora dempués, y como ramu a la xornada, tendrá llugar nel escenariu situáu nel Tendayu del Muséu’l conciertu acústicu de Pop Piquiñín, pal que tienen preparaes dos sorpreses: la participación de convidaos mui especiales y l’adelantu de dellos temes de “Nun mos gusten los llunes“, el so segundu discu n’asturianu. Amás de toes estes actividaes, nel espaciu del Tendayu y el prau central van asitiase dellos puestos: los de lliteratura infantil y xuvenil de les editoriales Trabe y Pintar-Pintar, el de laRede de Normalización Llingüística nos conceyos y el propiu de l’asociación Reciella, con información sobre l’asociación y dellos materiales nuevos y pintacares poniendo color a la Reciella a les 12 y 16.00 hores. PROGRAMA: DÍA DE LA RECIELLA 2014 11.00 Xuegos Medievales (Trebeyos) y Xuegos Tradicionales Asturianos (Esbilla) 12.30 Exhibición Infantil de Cuatriada Bolera del Muséu del Pueblu d’Asturies POSA y XINTA 16.00 “El cantar del vasu” Prau central 17.00 Taller d’Instrumentos Tradicionales Tendayu 18.00 Pop Piquiñín n’Acústico Tendayu 19.00 Danza Prima Prau central Amás: llibros, música, pintacares… Fonte: Asturnews

Actividaes de Reciella p'avientu

"Escenines pa la Reciella" trai actividaes nesti avientu pales families que se comuniquen en llingua asturiana

Una ópera, un conciertu de música pop y dos cuntacuentacuentos conformen la ufierta que los dos próximos fines de selmana va tener llugar nel Salón d'Actos del Colexu públicu Xovellanos y nel Teatru Xovellanos de Xixón, alitada pola asociación “Reciella (families pol asturianu) que lleva dende va más d'un añu trabayando enforma por averar la convivencia na nuesa llingua nel ámbitu familiar afitando la llingua como nexu interxeneracional. L'asociación "Reciella: families pol asturianu" vieno acabante facer pública l'actividá qu'entama nesti mes d'avientu en Xixón “Escenines” un ciclu d'actividaes n'asturianu pa neños: una ópera, un conciertu de música pop y dos cuntacuentacuentos conformen la ufierta que los dos próximos fines de selmana va tener llugar en Xixón. L'asociación “Reciella (families pol asturianu)”, entama nel mes d'avientu una serie d'actividaes n'asturianu na que en dos fines de selmana van averar a los neños y neñes de Xixón actividaes de distintos tipos, que tomen distintes “escenes” nes que se combina música, teatru, cuentacuentos… y coles que van poder esfrutar d'actividaes, les más d’elles de baldre, que van tener llugar nel Salón d'Actos del Colexu públicu Xovellanos y nel Teatru Xovellanos. El ciclu foi presentáu por Reciella col nome de Escenines pa la Reciella y nel mesmu representaráse la ópera infantil Los amorinos de Bastián y Bastiana de Nun Tris teatru'l vienres 20 d'avientu nel Colexu Públicu Xovellanos a les 18.00 de la tarde con entrada gratuita. Al otru día, el sábadu 21, la Compañía d'Olga Cuervu va representar tamién a les 18.00 hores nel mesmu llugar, De Rosines, una obra na que los cantares y la música tienen un papel principal. La siguiente fin de selmana va ser Carlos Alba quien va averar al traviés de títeres y siempres usando l'asturianu, la mitoloxía asturiana a lo más pequeño, col so espectáculu Mitoloxíes que se va facer el vienres 27 a les 18.00 tamién nel Colexu Públicu Xovellanos. A lo último, el ciclu cierra'l sábadu 28 cola presentación del discu Pop Piquiñín, un discu del grupu Petit Pop, íntegramente cantáu en llingua asturiana. Nel conciertu, que se va celebrar nel Teatru Xovellanos, va haber actuaciones d'invitaos y collaboradores del grupu. Esta ye la única actividá que nun va ser gratuita, con una entrada de 3 euros pa neños y 6 p'adultos. Fonte: Asturnews

Les XXXII Xornaes Internacionales d'Estudiu de l'ALLA, del 5 al 7 payares n'Uviéu

Les XXXII Xornaes Internacionales d’Estudiu de l'ALLA van celebrase del 5 al 7 de payares n'Uviéu

    La presentación de la revista ‘Lletres Asturianes 109’, na so edición dixital, y del tercer númberu de ‘Ciencies’ va servir d’aniciu a les XXXII Xornaes Internacionales d’Estudiu. Esta actividá de l’ALLA va tener llugar n’Uviéu del 5 al 7 de payares.

    El salón d’actos de la Facultá de Filosofía y Lletres torna a acoyer estos trés díes de ponencies, alderiques y comunicaciones sobre la llingua asturiana que cuenta cola presencia d’espertos procedentes de dientro y fuera d’Asturies. Asina, tres l’entamu previstu pal meudía del martes 5 de payares, l’especialista en filoloxía románica y llingüística hispánica de la University of Michigan, Steven Dworkin, va protagonizar la primer ponencia, que va tratar de la ‘Estabilidad y continuidad léxica en el hispano-romance’.

    Yá de tarde, a les 16 hores, Amado Alarcón (Universitat Rovira i Virgili) va falar sobre ‘Nuevas perspectivas en sociología de lenguaje y lenguas minoritarias’, a la que va siguir un alderique. Darréu, alredor de les 17 hores, van celebrase cinco comunicaciones, protagonizaes por Nicolás Bartolomé Pérez (‘Una cuestión de terminoloxía xurídica asturiana: l’usu del sustantivu conceyu’), Iris Díaz Trancho (‘Tratamientu del monollingüísmu asturianu nel currículu d’Asturies’), Inaciu Galán y González (‘L’asturianu y les nueves teunoloxíes: datos d’una encuesta d’usos llingüísticos’), Próspero Morán López (‘La comunicación audiovisual y multimedia en llingua asturiana: averamientu históricu a una oportunidá perdida) y, por último, una conxunta de Marta Mori d’Arriba y María Prieto Grande (‘Percepciones y conciencia del asturianu en dellos estudiantes d’español pa estranxeros de la Universidá d’Uviéu’). Tres un alderique –que va siguir a toles tandes de comunicaciones– y una posa, van zarrar la xornada dos ponencies. La primera, a les 18.45 hores, va protagonizala Moisés Selfa Sastre (Universitat de Lleida), que va falar de ‘Lengua y escuela. Un modelo de enseñanza como garantía de los derechos lingüísticos’, y, una hora más tarde, Isabel Hevia Artime (Universidá d’Uviéu), que va tratar sobre’l ‘Valor cultural y educativu de la llingua asturiana’).

    El miércoles l’actividá va tar más enfocada a la lliteratura y va principiar a les 16 hores con una conferencia de Xosé Bolado (Academia de la Llingua Asturiana) de nome ‘Al ritmu de los díes de la vida propia. Una mirada circunstancial sobre poesía nueva’, a la que va siguir un alderique y les comunicaciones ‘El modernismu na lliteratura asturiana’, de Xosé Ramón Iglesias Cueva; ‘Había un conde n’Asturies: asturianos na lliteratura baxomedieval francesa’, de David Guardado; ‘Los pecheros asturianos a fines de la Edad Media. Una referencia en la pobla de Siero’, d’Andrés Martínez Vega; y ‘Cuadernu de Notes d’un notariu de San Pedro de Teberga’, de Raquel Cuétara. Tes un alderique y una posa, Xuan Santori va tomar la pallabra pa falar del ‘Determín de comportamientos xeneracionales nel Surdimientu a la lluz de pruebes paramétriques pal contraste de variable’ (18.30 hores), pa depués dar pasu a Pablo Suárez García (‘La torna de la obra poética d’Ausiàs March al asturianu’) y Pablo Rodríguez Medina (‘Les llechares: una aproximación a la primera poética de Rubén d’Areñes’). Va encargase de poner el ramu a esta segunda xornada Beatriz Hernán-Gómez Prieto (Università degli Studio di Milano), a les 19.30 hores, cola ponencia ‘Pepín de Pría y sus apostillas al Vocabulario de Rato y Hevia. Más apuntes para su Diccionario perdido’.

Entrada llibre a toles charres

    Myriam Benarroch (Analyse et Traitement Informatique de la Langue Française, Centre National de la Recherche Scientifique y Université Paris-Sorbonne) va abrir les charres de la xornada cabera a les 16 hores cola ponencia ‘La especificidad del asturiano vista a través del DÉRom (Dictionnaire Étymologique Roman)’ pa, depués d’un alderique, continuar coles ponencies ‘Dellos anglicismos nel dominiu llingüísticu astur’, de Xosé Lluis García Arias; ‘La hidrotoponimia nel valle de Santa Bárbola’, de Xulio Llaneza Fernández; ‘Los pronomes personales en Senabria: formes y emplegos’, de Xuan Xosé Lajo; y ‘PER, POR y PARA nel asturianu medieval: Guía PA nun se PERder’, de Clara E. Prieto Entrialgo. Por último, magar les 18.30 hores, tendrán llugar dos ponencies protagonizaes por Anne-Marie Chabrolle-Cerretini (Analyse et Traitement Informatique de la Langue Française, Centre National de la Recherche Scientifique y Université Paris-Sorbonne), sobre ‘La lengua asturiana en los textos lingüísticos y diccionarios francófonos’, y Michael Metzeltin (Universität Wien), que va falar de ‘L’asturianu ente les llingües romániques’.

    Les persones que quieran matriculase a les xornaes de l’Academia de la LLingua Asturiana (ALLA) pueden facelo hasta'l 31 d'ochobre na sede de la institución académicia, asitiada na uviedina cai L’Águila númberu 10, o nel teléfonu 985.21.18.37. Les persones qu’asistan a toles actividaes van recibir un certificáu acreitativu.
    Fonte:  Asturies.com

Programa de les XXXII Xornaes Internacionales d'Estudiu.pdf

Ixuxú Asturies - Euskal Herria Elkartea asoleya les sos actividaes pa esti mes

Dende Ixuxú Asturies - Euskal Herria Elkartea siguen trabayando por esparder la cultura asturiana en tierres vasques, y nesi sen tornen a l'actividá tres el paru braniegu col siguiente programa d'actividaes:

5-6-7-8 / Ixuxúren merkatu txikia Getxo Folk-en | mercadillo de Ixuxú en el Getxo Folk / getxo / [informazio gehiago | más información ]
CD eta beste material asturiarrekin Getxo Folkeko BBK gunean egongo gara.

Vamos tar con cds y otros materiales asturianos nes casetes oficiales del Getxo Folk.


16tik 22ra / La Chelita-ren aurkezpenak | presentaciones de La Chelita / euskal herria / [informazio gehiago | más información ]
"La Chelita", El Salvadorko gatazka armatuari buruzko nobela grafikoa, bere egilearekin, Ruma Barbero, aurkezten egongo gara.
Vamos tar presentando "La Chelita", novela gráfica alrodiu'l conflictu armáu n'El Salvador, col so autor Ruma Barbero.

llunes 16 astelehena - 19.30 / Zirika / cai Ronda kalea / Bilbo

martes 17 asteartea - 11.30 / Zuloa Irudia / cai Korreria kalea / Gasteiz

martes 17 asteartea - 19.30 / Zapateneo / cai Zapatari kalea / Gasteiz

miércoles 18 asteazkena / 19.00 / Askapeña / cai Jarauta kalea / Iruñea

xueves 19 osteguna - 19.00 / Liburutegi nagusia-Biblioteca central / cai San Jeronimo kalea / Donostia

sábadu 21 larunbata - 12.00 / La Hormiga Atómica / cai Kuria kalea / Iruñea

domingu 22 igandea - 18.00 / Irati taberna / cai Ferrerias kalea / Arrasate

21 / (re)alcuentru Asturies-Euskal Herria (ber)topaketa / l'entregu (asturies)

Pasa den martxoan 3an Gasteizen egindako Asturies-Euskal Herria lehenengo topaketa eta gero, Gasteizko Gaztetxeko kideak Asturies bisitatuko dute La Semienten (L'Entregu) egingo den egun osoko topaketa batekin, ekintza sozial eta kultural ezberdinez josia egongo dena.

Tres del primer alcuentru Asturies-Euskal Herria en Gasteiz el pasáu 3 de marzu, la xente del Gaztetxe de Gasteiz va visitar Asturies con un realcuentru de tol día nel Centru Social La Semiente (L'Entregu) nel que va haber estremaes actividaes sociales y culturales.

28 / Ixuxúren merkatu txikia Gasteizko Gaztetxean | mercadillo de Ixuxú en el Gaztetxe de Gasteiz / gasteiz
Gasteizko Erdi Aroko Azokaren baitan, Gaztetxean CD eta kolektibo asturiarren beste materialekin egongo gara.
Vamos tar con cds y otros materiales de colectivos asturianos nel gaztetxe, coincidiendo cola Feria Medieval de Gasteiz.

urriko aurrerapena / adelantu d'ochobre

3tik 12ra / 1934-2013 / euskal herria

1934ko iraultza asturiarraren oroimeneko jardunaldi soziokulturalak. Deustun, Otxandion, Bergaran, Bilbon, Erandion, Gasteizen izango dira
Xornaes socioculturales n'alcordanza a la revolución asturiana d'ochobre de 1934. Van ser en Deusto, Otxandio, Bergara, Bilbo, Erandio y Gasteiz

Fonte: Infoasturies 

TPA tien un nuevu programa n'asturianu

La Televisión del Principáu d'Asturies (TPA) estrena en setiembre 'Día de mercáu', un nuevu programa n'asturianu presentáu por Sonia Fidalgo que va percorrer los mercaos del país. L'espaciu ta producíu por Un mar de dudes. El programa supón el regresu de Fidalgo a la canal autonómica dempués de la cancelación por sorpresa d'Así es mi pueblo'.

Fonte: Quéyeho!

Disponible'l programa completu del Festival Arcu Atlánticu 2013

El Conceyu de Xixón quier potenciar la cultura atlántica común, entamando un gran festival que sirva de nexu d'unión y plataforma d'intercambiu ente los pueblos que configuren l'Arcu Atlánticu Européu. El Mar, ye un elementu sustancial de la hestoria de la ciudá y tamién del d'otres munches ciudaes atlántiques europees. Les rutes marítimes y los espacios portuarios texen redes culturales y comerciales que xunen estrechamente l'espaciu xeográficu onde s'asientan. Esti proyectu pretende contribuyir d'una manera práctica a l'articulación d'una rede de collaboración cultural y económica ente les ciudaes d'esti ámbitu xeográficu y yá tien programa pa esti branu, con actividaes a lo llargo de xunetu y agostu. Cada añu, un país o una ciudá ye oxetu d'especial atención nel festival. En 2013 va ser Francia al traviés de la ciudá de Nantes, cola que xune un venceyu especial a Xixón, al traviés de l'autopista de la mar. El Festival Arcu Atlánticu 2013 crez y ábrese a la participación d'otros conceyos d'Asturies. Amás de Xixón, Carreño, Ribeseya, Siero, Valdés y Villaviciosa darán-y una nueva dimensión arriqueciendo la programación. Cada conceyu va presentar un stan en Xixón y en caún d'ellos celebraránse diverses actividaes del programa del festival. El mar, la lliteratura, les artes escéniques, les artes plástiques, la música y la gastronomía van tener nuevos escenarios y van ocupar les cais y places de Xixón y de los cinco conceyos asturianos que s'entornen con entusiasmu nesti festival. Anguaño l'escenariu principal del Festival va ser la zona d'El Muelle, dende los Xardinos de La Reina hasta la punta de Liquerique , pasando pela Plaza'l Marqués, la Plaza Mayor y otros escenarios como'l Teatru Xovellanos, el Centru de Cultura Vieyu Institutu, los museos Municipal y La Llaboral Centru d'Arte y Creación Industrial. Más información: Programa completu del Festival Fonte: Asturnews

Solidaritat sofita un manifiestu pa que'l catalán seya únicu idioma oficial

La formación que lidera López Tena considera que de no ser así, el catalán correría riesgo de extinción, por ser la lengua más débil

Solidaritat Catalana per la Independència (SI) ha dado este martes su apoyo a un manifiesto que defiende que el catalán sea el único idioma oficial de una hipotética Catalunya independiente y poder "asegurar así su supervivencia" frente al castellano.

El manifiesto ha sido impulsado por la asociación Llengua Nacional, con el apoyo de un centenar de personalidades entre las que destacan Iñaki Anasagasti, Víctor Aleixandre e Isabel Clara Simó, entre otros políticos, profesores, periodistas, escritores o artistas.

"La cooficialidad con el castellano supondría la extinción de la lengua más débil, en este caso el catalán, como ya se ha podido ver en otros países, como en Irlanda con el gaélico. No queremos la independencia para que el catalán desaparezca", ha explicado López Tena en un comunicado.

"Si no lo deseamos como lengua oficial -ha añadido-, no podremos exigir que los medios de comunicación, la administración pública o los servicios sanitarios sean en catalán, porque el castellano será igualmente válido y el catalán acabará extinguiéndose como lengua más débil. De qué servirá a nuestro idioma la independencia".

Según el manifiesto, "promover el actual estatus jurídico del catalán en un estado independiente es dar continuidad al intento de genocidio lingüístico practicado por los gobiernos español y francés, pero en este caso sería más grave".

Fonte: La Vanguardia

Seis de los diez partíos más votaos n’Asturies tán cola oficialidá nel so programa elleutoral

Pablo R. Guardado
Iniciativa pol Asturianu señala, tres repasar tolos programes elleutorales de los partíos que se presenten al 25-M, que seis de los diez más votaos lleven la oficialidá nel so programa. UPyD ye l’únicu que se manifiesta contrariu dafechu.

Les formaciones qu’apuesten pola oficialidá nos sos programes son Izquierda Xunida, Bloque por Asturies-UNA-LV-GV, Ideas-Hartos.org, Equo-LV, Andecha Astur, PCPE, URAS y Partido da Terra Eo-Navia. Mentes, FSA-PSOE, PP y Foru de Ciudadanos, trés de les cuatro organizaciones con representación na Xunta Xeneral, siguen ensin apoyala, “anque inclúin cada vegada más aiciones empobinaes a la normalización del idioma”, destaquen dende Iniciativa pol Asturianu. Inclusive, hasta’l MSR, únicu partíu d’estrema drecha que se presenta a les elleiciones por Asturies, sosprende cola inclusión de la llingua asturiana na so propaganda elleutoral repartida per Xixón.

“Dende Iniciativa pol Asturianu recordamos que les encuestes sociollingüístiques demuestren que más del 60 por cientu de los asturianos apoyen que l’asturianu se convierta en llingua oficial n’Asturies, polo qu’entendemos que tolos partíos habríen responder a esta demanda social que ye la ferramienta de la oficialidá, imprescindible pa que podamos conservar l’importante patrimoniu cultural y económicu que ye l’asturianu”, aseguren.

Fonte: Asturies.com

El Principáu asoleyó'l programa d'actividaes de la 32 Selmana de les Lletres Asturianes n'homenaxe a Mánfer de la Llera

Conocíóse'l programa d’actos de la 32 Selmana de les Lletres Asturianes, n’homenaxe al escritor Manuel d’Andrés Fernández, Mánfer de la Llera (1918-2005), que va tener la so Gala inaugural el día 3 de mayu nel Nuevu Teatru de La Felguera (Llangréu).

El programa completu d'actividaes pue descargase dende esta mesma páxina ya entama tres d'esa Gala inaugural a les 13:00 hores del miércoles 4 na Xunta Xeneral del Principáu d’Asturies (Uviéu) cola Llectura pública institucional de testos n’asturianu nel Salón Europa y a les 20:00 hores otra vuelta nel Nuevu Teatru de La Felguera (Llangréu) col Conciertu 13 x Mánfer, que va cuntar coles actuaciones d'Alfredo González, Felpeyu, Hermanos Valle Roso, Mario Fueyo (Dark la eMe), Renacencia, Toli Morilla, Xera, Silvino Torre y alumnáu y docentes del IES Cuenca del Nalón.

El xueves día 5 a les 13 hores na Casa de los Alberti (Ciañu, Llangréu) presentaráse la edición conmemorativa "Mánfer de la Llera, de la rampla a la pluma", volume illustráu al rodiu del escritor y la so época y el llibru "En cata de la mio lluna" Antoloxía lliteraria, de Mánfer de la Llera. Esi mesmu día a les 20 hores na Casa la Cultura de Sama (Llangréu) habrá Asturianada y monologuismu: conciertu n’alcordanza de Mánfer de la Llera; con José Manuel Reguero (El Maestru), Valentín Fuente, Juan Pablo Santos, Manolo Collado, Bibiana Sánchez y Carlos Ronderos. Y a les 20 hores na Capiella de los Dolores (Grau) fadráse un recital poéticu n’homenaxe a Mánfer de la Llera. Cola participación de los poetes Xuan Xosé Sánchez Vicente, Xuan Bello y Ana Vanessa Gutiérrez, en collaboración cola Fundación Aula de les Metáfores.
Pa finar el vienres 6 de Mayu, a les 11 hores nel Barriu de La Llera, en Sama (Llangréu) fadráse'l Descubrimientu d’una placa dedicada al escritor, na cai Mánfer de la Llera y a les 12:00 hores nel IES Cuenca del Nalón (La Felguera, Llangréu) habrá'l tradicional actu escolar de cellebración de la Selmana de les Lletres Asturianes cola entrega de premios del «XVI Concursu de Poesía y Dibuxu» y del «VIII Concursu de Cartelismu», amás de l'actuación del grupu Duerna.

Fonte: Asturnews