19/7/17

Xixón Sí Puede anuncia que se desmarca del Festival Arcu Atlánticu

. L’Arcu Atlánticu veta una charra de la XDLA por considerala política

Mario José Suárez del Fueyo, Podemos Xixón Sí Puede

Salvo que Foro rectifique nel casu del vetu a la XDLA pa poner una conferencia.
La negativa de la Fundación Municipal de Cultura, Educación y Universidá Popular a programar una charra nel Festival Arcu Atlánticu de la Xunta pola Defensa de la Llingua Asturiana (XDLA) sobre la iniciativa ‘Proyectu 2018 pa la Oficialidá’ lleva a Xixón Sí Puede a desmarcase del certame si'l "equipu de gobiernu nun rectifica y retire'l vetu" a la organización cívica. "Suena a censura, tiempos vieyos que yá habíen tar superaos nos que s'afalaba a la xente a 'nun metese en política', apunta la candidatura de xunidá popular nun comunicáu dau a conocer enantes del actu de presentación del programa d'esti añu.
"Estes palabres escuenden un vetu a les idees y a la llibre espresión que nun se pue consentir dende una institución democrática. Por esti motivu, demandamos al equipu de gobiernu que rectifique nel intre y llevante'l vetu a una organización que nestos años nun fixo otro que mirar pola sobrevivencia la llingua, supliendo l'arrequexamientu al que la vienen sometiendo les alministraciones asturianes", afirmó Mario Suárez del Fueyo, voceru de Xixón Sí Puede, que considera que, al empar, la conceyalía de Cultura quier tapacer la visión que se caltién dende la institución municipal de la llingua y la cultura asturiana. "El marcu políticu y xurídicu nel que se desenvuelve una llingua ye clave p'atalantar cuála ye la so situación y cuál pue ser el so futuru, asina que nun tien xacíu neXDLA, Podemos xixón, ngún torgar una charra na que precisamente se va a falar d'esi marcu nel contestu d'un Festival dedicáu a les llingües minorizaes. A nun ser, claro ta, que lo que se quiera ye evitar falar del ruinu marcu actual al que dellos partíos, ente ellos Foro, condenen a la llingua asturiana", añade.
Por ello, salvo rectificación del equipu de gobiernu, Xixón Sí Puede anuncia que nun va sofitar esti añu y no socesivu'l festival, un eventu "qu'había servir pa dar un pasu alantre pa la sobrevivencia de la llingua asturiana y non ser un simple escaparate nel que se dexa ver cómo da les boquiaes una parte fundamental del nuesu patrimoniu inmaterial".                                                                                                                                           Fonte: asturies.com

6 comentarios:

  1. Ya tamos otra vegada con Xixón Si Puede metiendo la gamba pa dexase ver namás, home. ¿nun dexar piedra sobre piedra, nun dexar nin la seña, enredar por deporte? NON GRACIES,

    ResponderEliminar
  2. A les llingües (Arcu Atlánticu) siéntales permal la política (como Podemos); l'Arcu a les llingües como l'asturianu ensín polítiques rares y... porfa Suárez del Fueyo a la política municipal pa ver si sale alcalde coles sos mociones de censura.

    ResponderEliminar
  3. Atlánticu, virxencita, virxencita... ta perbién la cosa como ta agora ensin podemitas al acechu poniendo zancadielles a toles coses.

    ResponderEliminar
  4. Xixón Sí Puede va destruyir l'Arcu Atlánticu tal como ta faciendo con la Semana Negra, caciplalo del too o sinón romper, ¡pena!

    ResponderEliminar
  5. Jo pensava que Arcu Atlánticu volia dir Arc Atlàntic però veig que la traducció correcta és Coros y Danzas. Que curioses són les llengües!

    ResponderEliminar

Los comentarios tán pendientes de moderación. Espublizaránse lo primero dable.