12/7/17

IX y Podemos van falar el 17 de xunetu de la defensa de la Llingua na so xunta


 El secretariu de converxencia d’izquierda Xunida, Jaime Gareth Florez, valoró güei de forma positiva la ufierta de Podemos pa consensuar una posición común sobro les llistes d’espera y fizo anuncia de que’l próximu día 17 van plantegar tamién na xunta que van celebrar cuestiones alrodiu de la defensa de la Llingua.
“Ye un primer pasu, anque’l nuesu oxetivu, de sobra conocíu, ye abondo más ambiciosu y, en resume, pasa pola construcción d’un bloque de progresu dientro de la Xunta Xeneral del Principáu d’Asturies”, dixo güei Jaime Gareth Florez al valorar de forma positiva la ufierta de Podemos. La meta, sigún el responsable de Converxencia de la formación “ye tener capacidá de denuncia y, sobremanera, capacidá de propuesta y de respuesta pa llograr midíes qu’ameyoren la calidá de vida y el bienestar de la sociedá asturiana”.
Na próxima xunta del 17 de xunetu, na que ta previstu l’alcuentru de los máximos responsables de dambos partíos, espérase que se fale de la defensa de la llingua asturiana amás de cuestiones como la propuesta sobro les llistes de Podemos y l’axenda lexislativa plantegada la selmana pasada d’Izquierda Xunida, qu’inclúi, como exes vertebradores, un plan de choque social, la medría de la calidá democrática . “A última hora Izquierda Xunida de Asturies nun va cesar nel so intentu de llograr una mayoría social, un bloque políticu d’izquierdes que ponga’l Boletín Oficial del Principáu d’Asturies (BOPA) a disposición de les necesidaes de les asturianes y los asturianos”, finó afitando’l secretariu de converxencia d’IX.                                                                                      Fonte.Asturnews

3 comentarios:

  1. En principiu la cosa va perbién pero... cuidáu con los de podemos que nun dan puntada ensin filo, nun son de fiar. Tú fíate d'ellos y yá verás cómo te va

    ResponderEliminar
  2. Vaya parexa de dos, horror, cuidadín, muncho cuidadín.

    ResponderEliminar
  3. Esta pareya de cuasi-socios ye farina d'otru costal, casi ye meyor dexalu así, como está porque tien que ser munchu acasu pa que pase dalgo bonu.

    ResponderEliminar

Los comentarios tán pendientes de moderación. Espublizaránse lo primero dable.