La canal youtuber ‘A Escuchetes’ trunfa colos sos vídeos de cocina n´aragonés
La profesora aragonesa Silvia Cebolla, de 31 años, un día decidió entemecer les sos dos grandes pasiones: la cocina y la llingua aragonesa. El resultáu foi un canal youtuber distintu ya orixinal que cada vuelta ta más afitáu más: ‘A Escuchetes’.
Lo qu´empecipió como un esperimentu p´animar a los sos alumnos d´aragonés de la escuela Nogará a qu'aplicaren l´idioma na so vida cotidiana, pasu a pasu foi convirtiéndose nun proyeutu con más de 800 suscriptores, que yá supera los 26.000 visionaos nel so segundu añu de vida.
Silvia Cebolla, amás, rexenta´l so propiu chigre nel barriu zaragozanu de la Madalena, la ‘Tabierna aragonesa A Flama’ de comida vegana y vexetariana, qu´anguaño celebra´l so séptimu aniversariu. “Ye un tipu de cocina que ta de moda y que llama l´atención de la xente mozo, por eso pensé que podría ser un bon reclamu por que se averen a la llingua aragonesa”, declaró la moza aragonesa.
Fonte: Infoasturies
No hay comentarios:
Publicar un comentario
Los comentarios tán pendientes de moderación. Espublizaránse lo primero dable.